ლუკ შოუ "მანჩესტერ იუნაიტედისგან" სეზონის ბოლომდე ახალი ხანგრძლივი კონტრაქტით დაჯილდოვდება.

ინგლისელმა მარცხენა მცველმა ჟოზე მოურინიოს გუნდში თავის დამკვიდრების სირთულე დაძლია და მწვრთნელის გული მოიგო.

22 წლის შოუს გასულ გაზაფხულს ფეხზე ოპერაციის გაკეთებისა და სათამაშო კონდიციებში ჩადგომის შემდეგ გუნდის განაცხადში მოხვედრა უჭირდა.

მოურინიომ "საუთჰემპტონის" ყოფილი ფეხბურთელი საჯაროდ გააკრიტიკა, რასაც მოჰყვა თანაგუნდელთა შორის ორაზროვანი დამოკიდებულება პორტუგალიელი მწვრთნელის სიტყვების სამართლიანობასთან დაკავშირებით.

გასული სეზონის ბოლოს შოუს მიერ ჩატარებული ერთ-ერთი მატჩი ჟოზემ შემდეგი სიტყვებით შეაფასა "მისი სხეული ჩემი გონებით", რაშიც გულისხმობდა, რომ დროდადრო ის მიუთითებდა, თუ როგორ ეთამაშა.

პორტუგალიელმა მცველს მიანიშნა, რომ სწავლის პროცესი ჯერ კიდევ გრძელდებოდა.

შოუს დეკემბრამდე მოუწია ლოდინი, სანამ პრემიერ ლიგის ეგიდით გუნდის სასტარტო შემადგენლობაში მოხვდებოდა, ამის შემდეგ მან მიმდინარე წლის შვიდი შესაძლო შეხვედრიდან 5-ში მიიღო მონაწილეობა.

ლუკის თამაშმა მოურინიო დააკმაყოფილა და 5 იანვარს მასთან საუბარიც ჰქონდა, რათა დარწმუნებულიყო, რომ სრულ მზადყოფნაში იყო თამაშისთვის.

შოუს მოქმედი კონტრაქტი "იუნაიტედმა" ავტომატურად გააქტიურა შეთანხმებაში შეტანილი პუნქტის წყალობით და მას კიდევ 18 თვე რჩება მის ამოწურვამდე. ამ ხნის განმავლობაში კი მისი ხელფასი ყოველკვირეულად 80 ათას ფუნტს შეადგენს.

ახალი კონტრაქტი კი შოუსთვის გაცილებით სარფიანი იქნება და გაცილებით უკეთეს პირობებს შესთავაზებს ინგლისელს.

წყარო: mirror