ანდერ ერერას მალე სასამართლო ელის.
ესპანურ მართლმსაჯულებასთან პრობლემები შეიძლება შეექმნას არა მარტო ალექსის სანჩესს, არამედ ანდერ ერერასაც, რომელსაც უახლოეს მომავალში სასამართლოს მიწვევა მიუვა 2011 წელს ჩაწყობილი თამაშის საქმესთან დაკავშირებით.
სასამართლო დაინტერესდა 2011 წელს გამართული "ლევანტესა" და "რეალ სარაგოსას" მატჩით, რომელთაგან უკანასკნელის ღირსებას იცავდა "მანჩესტერ იუნაიტედის" ფეხბურთელი.
წარუმატებელი შედეგის დაფიქსირების შემთხვევაში "სარაგოსა" ლა ლიგიდან ვარდებოდა, მაგრამ გუნდმა მატჩი 2:1 მოიგო, რის შედეგადაც ჩემპიონატს "დეპორტივო" გამოეთიშა. გარდა ამისა, არსებობს მტკიცებულებები, რომ "სარაგოსას" ფეხბურთელები "ლევანტელ" კოლეგებს ნაღდ ფულს გადასცემდნენ მათთვის სასარგებლო შედეგის დაფიქსირებისთვის.
ანდერ ერერას ბრალს სდებენ იმაში, რომ სწორედ მან გადასცა "ლევანტეს" ფეხბურთელებს გარკვეული თანხა ეროვნულ ვალუტაში, რაც 35 ათას ფუნტის ექვივალენტია.
ამ ბრალდების შემდეგ "იუნაიტედის" ნახევარმცველმა ოფიციალური განცხადება გააკეთა:
"როგორც უკვე ვთქვი 2014 წელს, მატჩის შედეგებით მანუპულირებასთან არასდროს მქონია კავშირი. სასამართლოში ჩვენების მისაცემად თუ გამომიძახებენ, სიამოვნებით მივალ, რადგან სინდისი სუფთა მაქვს. მიყვარს ფეხბურთი და მჯერა მისი სამართლიანობის როგორც მოედანზე, ისე მის ფარგლებს გარეთ".შესაძლო სასამართლო სხდომის თარიღი ჯერჯერობით უცნობია, მაგრამ ეს არ მოახდენს "მანჩესტერ იუნაიტედში" ერერას ასპარეზობაზე გავლენას.
წყარო:
independent