"მანჩესტერ იუნაიტედი" ინგლისის თასი მეხუთე რაუნდში გასვლაზე "ჰადერსფილდ თაუნს" დაუპირისპირდება.

"წითლების" მომდევნო მეტოქე აღნიშნულ ტურნირზე სამშაბათს საღამოს გამართული გადათამაშების მატჩის შემდეგ გაირკვა, როცა პრემიერ ლიგის ახალწვეულმა ჩემპიონშიპის "ბირმინგემ სიტი" დამატებით დროში 4-1 დაამარცხა.

მეხუთე რაუნდის შეხვედრას "იუნაიტედი" 17 თებერვალს თბილისის დროით 21:30 სთ-ზე გამართავს და შეეცდება მორიგი გამარჯვება მოიპოვოს სტუმრად.

წინა რაუნდში ჟოზე მოურინიოს გუნდმა "იოვიო თაუნს" სძლია 4-0 და გაიკვლია გზა ტურნირის მომდევნო ეტაპისკენ თასის მეცამეტეჯერ დაუფლების მიზნით. ფინალი 19 მაისს "უემბლიზე" გაიმართება და თუკი "იუნაიტედი" მასში მოხვედრას და გამარჯვებას მოახერხებს, ინგლისის თასის მოგებათა რაოდენობით "არსენალს" გაუთანაბრდება და ორივე გუნდს 13-ჯერ ექნება ტურნირი მოგებული.