გთავაზობთ 10 საიტერესო ფაქტს "მანჩესტერ იუნაიტედის" ახალწვეულ ჩილელ ფეხბურთელზე, ალექსის სანჩესზე.

1. ალექსის სანჩესი დაიბადა ჩილეს ძალიან პატარა და ღარიბ ქალაქში, "ტოკოპილიაში". მან ფეხბურთის თამაში პატარაობიდანვე დაიწყო, თუმცა როდესაც პატარა ალექსისი წამოიზარდა ძალიან რთული ფინანსური მდგომარეობის გამო, მას ოჯახის სარჩენად არაერთ ადგილას მოუწია მუშაობა. სანჩესი ხშირად მშენებლობაზეც კი მუშაობდა, ასევე რეცხავდა მანქანებს თუმცა ეს სიღარიბედან თავის დასაღწევად საკმარისი არ ყოფილა. როგორც მისი ინტერვიუებიდან არის ცნობილი, სანჩესს ხშირად ბუცის საყიდლადაც კი არ ჰყოფნიდა ფული.

2. ალექსისი 2015 წელს ჩილეს ყველაზე სექსუალურ ფეხბურთელად დასახელდა.

3. როდესაც სანჩესი 14 წლამდელთა ტურნირს იწყებდა, მისი მატერიალური მდგომარეობის გამო, მან ვერ შეძლო ბუცების შეძენა, რის გამოც მისმა დედამ ქალაქის მერს თხოვნით მიმართა, რამდენიმე დღეში კი ქალაქის მერი თავად ესტუმრა ალექსის და საჩუქრად ნანატრი ბუცები გადასცა.

4. ტოკოპილიაში მცხოვრებმა ხალხმა, რომლებსაც ალექსისისგან დახმარება არაერთხელ მიუღიათ, მათ თავიანთ გმირს საკუთარი სახელობის ქუჩა გაუხსნეს.

5. სანჩესი ყველაზე ახალგაზრდა ფეხბურთელია ჩილეს ისტორიაში, რომელმაც ითამაშა ეროვნულ ნაკრებში. მისი დებიუტი 17 წლის ასაკში შედგა.

6. ალექსის სანჩესმა საკუთარ ნაკრებთან ერთად უდიდესი ტურნირის მოგება მოახერხა. საუკუნის "კოპა ამერიკა", რომელიც 100 წელიწადში ერთხელ ტარდება. ის ერთადერთი ცოცხალი ფეხბურთელია რომელიც ამ ტურნირის საუკეთესოდ დასახელდა, რადგანაც აქამდე ჩატარებული ტურნირის ის ფეხბურთელები ცოცხლები აღარ არიან, ხოლო დღევანდელი თაობა კი ამის გაკეთებას სამომავლოდ ვეღარ მოახერხებენ.

7. ჩილელის საყვარელი მოთამაშე გახლავთ, ლეგენდარული ბრაზილიელი ფეხბურთელი რონალდო. ალექსისის თქმით პატარაობაში ხშირად ცდილობდა მისი თამაშის იმიტაციას, რადგანაც ბრაზილიელი მასში საოცარ აღტაცებას იწვევდა, სწორედ ამ ფაქტის ნიშნად თამაშობდა იგი "ბარსელონაში" 9 ნომრიანი მაისურით.

8. ალექსისი ფეხბურთელობასთან ერთად, ასევე კარგი მუსიკოსიც გახლავთ. იგი ძალიან კარგად უკრავს პიანინოზე.

9. სანჩესი ერთადერთი ფეხბურთელია ისტორიაში, რომელმაც ჰეთ-თრიკის შესრულება სერია A-ში, პრიმერა დივიზიონში და პრემიერ ლიგაში მოახერხა.

10. 2017 წელს ალექსის სანჩესს, ეროვნულ ნაკრებთან ერთად დიდი წარმატებების შემდეგ, მისმა თანამემამუალეებმა, ტოკოპილიაში ძეგლი დაუდგეს.