BBC ამტკიცებს, რომ სატელივიზიო ტრანსლიაციების განხილვისას პრემიერ ლიგამ 2020 წლიდან ზამთრის პაუზის დანერგვის ინიციატივა გამოხატა.
პრემიერ ლიგის მესვეურებმა გამორიცხეს ზამთრის არდადეგების შეტანა განრიგში, სანამ 2019 წლის ზაფხულს მოქმედი სატელივიზიო შეთანხმება არ ამოიწურებოდა.
მომდევნო კვირას პრემიერ ლიგის წარმომადგენლები ძირითად ტრანსლიატორებთან ერთად მოლაპარაკების მაგიდაზე დასხდებიან ახალი სატელევიზიო კონტრაქტის პირობების განსახილველად. სხდომაზე ასევე წამოიჭრება ზამთარში მატჩების განრიგში პაუზის წარმოშობის საკითხიც, რასაც ბევრი მწვრთნელი და ფეხბურთელი ითხოვს.
მიმდინარე წელს ამ იდეას მხარდაჭერა გამოუცხადეს "მანჩესტერ სიტის" მწვრთნელმა პეპ გვარდიოლამ და "მანჩესტერ იუნაიტედის" მწვრთნელმა ჟოზე მოურინიომ. ამ აზრს კი დიდი ხანია იზიარებენ არსენ ვენგერი და სემ ელერდაისი.
ყველა სხვა წამყვან ჩემპიონატში არსებობს ზამთრის პაუზა. მაგალითად, მიმდინარე სეზონში ბუნდესლიგაში ასეთი შესვენების დრომ 22 დღე შეადგინა.