"მანჩესტერ იუნაიტედის" მხარდამჭერთა ჯგუფმა ოფიციალური განცხადება გააკეთა, რომლითაც ჟოზე მოურინიოს შენიშვნას უპასუხა.
გასულ უიქენდზე მოურინიომ უკვე მეოთხედ გამოხატა უკმაყოფილება "ოლდ ტრაფორდის" ატმოსფეროთი. ჟოზემ აღიარა, რომ მის ფეხბურთელებს მოსწონთ საშინაო სტადიონზე თამაში, მაგრამ ატმოსფერო ვერაფრით შეედრება "პორტსმუთის" პატარა სტადიონზე არსებულ ატმოსფეროს.
მეორე დღეს გულშემატკივართა ორგანიზაციამ ოფიციალური განცხადება გააკეთა და პორტუგალიელს უპასუხა. "ვეხმაურებით ჩვენი მწვრთნელის კომენტარს, რომელმაც კიდევ ერთხელ დაიჩივლა "ოლდ ტრაფორდზე" არსებულ ატმოსფეროზე "ჰადერსფილდთან" საშინაო მატჩის დროს.
ატმოსფეროს გაუარესება არ ეხება მხოლოდ "ოლდ ტრაფორდს", ეს პრობლემა მთელი ინგლისის კლუბებს ეხება. და, რა თქმა უნდა, ეს პრობლემა არ ეხება მხოლოდ ჩვენს ქომაგებს - ჩვენი გულშემატკივრობა გასვლით მატჩებში ინგლისში საუკეთესოდაა აღიარებული.
დარწმუნებულები ვართ, რომ სტადიონზე არსებული ატმოსფერო პირველ რიგში გულშემატკივართა და კლუბის ურთიერთობაზეა დამოკიდებული, ამაში კი იგულისხმება ფანების ჩართულობა და მათი პასუხისმგებლობის დონე.
სანამ ამ საკითხში ცვლილებები არ არის, სხვა საკითხებზე კონცენტრირებას ვცდილობთ, სადაც გავლენას მოვახდენთ მოკლევადიან და საშუალოვადიან პერსპექტივაზე.
ამ მიზნით გასულ კვირაში შევხვდით დირექტორთა საბჭოს და სტადიონის ხელმძღვანელობას იმის გასაგებად, თუ რისი გაკეთება შეგვეძლო სიტუაციის გამოსასწორებლად. შეხვედრის დეტალებს უახლოეს პერიოდში გაგიმხელთ", - განაცხადა MUST-მა (Manchester United Supporters Trust)
ახალი ამბები, ინტერვიუები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.