5-02-2013, 14:48

ავტორი: ლადო,

ნანახია: 2224,

კომენტარები: 13

ინტერვიუ ჰენრიკ ლარსონთან!

ჰენრიკ ლარსონის ინტერვიუ...

2007 წლის იანვარში კლუმა ჰენრიკ ლარსონი არენდით აეყვანა, რაც საზოგადოებისთვის ძალიან დიდი სიურპრიზი გამოდგა. დროდადრო, აშკარავდებოდა, რომ ეს გადაწყვეტილება სერ ალექსმა აზრიანად მიიღო. თქვენს ყურადღებას იპყრობს ჰენრიკ ლარსონის ინტერვიუ, როგორც "მანჩესტერ იუნაიტედის" მოთამაშე, რომელიც დათარიღებულია 2007 წლით...

ჩემპიონთა ლიგის ფინალის შემდეგ "ბარსელონას" შემადგენლობაში, თქვენ გადაწყვიტეთ სამშობლოში დაბრუნება კლუბ "ჰელსინბორგში", რის შემდეგაც თქვენ მოულოდნელად "ოლდ ტრაფორდზე" მოხვდით არენდის სახით. გაგვიზიარეთ თქვენი შთაბეჭდილებები?

ეს წარმოუდგენელი იყო. თავდაპირველად, მე არ ვაპირებდი პროფესიულ ფეხბურთში დაბრუნებას. "ბარსელონას" შემდეგ მე შვედეთში აღმოვჩნდი, ხუთი კვირის განმავლობაში მე შანსი მქონდა ჩემი ახლობლები მენახა. ამის შემდეგ ძნელი იყო ვარჯიშებს დავბრუნებოდი. თუმცა ახლა "ოლდ ტრაფორდზე" ვვარჯიშობ.

როდის გაიგეთ პირველად თქვენდამი "იუნაიტედის" ინტერესზე? როგორი იყო თქვენი რეაქცია?

პირველად ამის შესახებ იმ დროს გავიგე, როდესაც "ჰელსინბორგის" მწვრთნელი ჩემთან მოვიდა და მკითხა მინდოდა თუ არა მანჩესტერში გამგზავრება. რათქმაუნდა ჩემი პირველი სიტყვა "დიახ" იყო. ძალიან ბედნიერი ვიყავი, მაგრამ ეს საკითხი ოჯახთან ერთად უნდა გადამეწყვიტა. როდესაც ჩვენ ეს ყველაფერი განვიხილეთ, ისინი ეგრევე დამთანხმდნენ. მე კარგად გავაცნობიერე ყველაფერი და მივხვდი, რომ ასეთ ასაკში ასეთი შემოთავაზების მიღება, წარმოუდგენელი იყო.

გაგიკვირდათ, რომ კლუბმა კონტრაქტი ასეთ ასაკში შემოგთავაზათ?

მე ძალიან გახარებული ვიყავი, მაგრამ ეს ყველაფერი ცოტა უცნაურადაც კი მეჩვენებოდა. მე შვედეთში დავბრუნდი და დასვენება გადავწყვიტე. მაგრამ "იუნაიტედისგან" მივიღე შემოთავაზება, რაზეც ძნელი იყო არ დათანხმება.

"იუნაიტედის" ფეხბურთელებზე გქონდათ რაიმე ინფორმაცია, სანამ ამ კლუბში გადმოხვიდოდით?

მე ბევრი ვიცოდი მათზე, მაგრამ პირადად არც ერთს არ ვიცნობდი.მე და ოლე სოლსკიაირი მსოფლიოს ერთი ნაწილიდან ვიყავით, ასე რომ ბევრს ვლაპარაკობდით ერთმანეთში. ერთ დროს მე "ფენეიორდშიც" ვთამაშობდი, სადაც გერმანული ენა შევისწავლე, ეს დამეხმარა ენდვინ ვან დერ სართან საერთო ენის გამონახვაში.

ყველაზე მეტად, "იუნაიტედის" შემადგენლობიდან, რომელ ფეხბურთელთან გსურთ თამაში?

პრაქტიკულად, ყველასთან. თუ მე გიგზს დავასახელებ, მაშინ სქოულზის დასახელებაც მომიწევს. სქოულზის დასახელებით, კი სოლსკიაირის დასახელებაც მომიწევს. ისინი კლუბში დიდი ხანი თამაშობენ და ლეგენდები არიან. მე მათ თამაშებს ტელევიზორით ვადევნებდი თვალს და ამით ვტკბებოდი. ახლა მათ შემადგენლობაში რონალდოა, რომელიც საკმაოდ კარგად თამაშობს.

ერთ დროს თქვენ რონალდინიოს პარტნიორი იყავით. როგორ ფიქრობთ უეინ რუნისთანაც ასეთი პარტნიორობა გექნებათ?

ყოველთვის ადვილია მსოფლიო კლასის ფეხბურთელებთან თამაში. რონალდინიო და რუნი, ორი ტალანტია. მათ ღვთისგან ბოძებული ნიჭი აქვთ. რონალდინიოსთან თამაშის დროს, როდესაც მას ბურთი ჰქონდა ვიცოდი, რომ ყველაფერს სწორად გააკეთებდა. უეინთან ერთად უკვე ჩავატარე მატჩი "ასტონ ვილას" წინააღმდეგ და საკმაოდ კმაყოფილი დავრჩი, მისი მინდორზე მოქმედებით.

იმის გათვალისწინებით, რომ თქვენ ევროპული დიდება გვიან მოგივიდათ, არ გაოცებთ, რუნის და რონალდოს ასეთი წარმატება?

ეს ცუდია (იცინის). "იუნაიტედის" მაისურით თამაში, მათ მხოლოდ დიდ წარმატებას მოუტანთ. რათქმაუნდა, ეს მათი კარიერაა და ბოლო სიტყვაც მათი გადასაწყვეტია. მაგრამ ასეთ კლუბში თამაშით ისინი სამუდამოდ განვითარდებიან.

როგორ ფიქრობთ, "იუნაიტედში" თამაში კიდევ შეგძენთ სასარგებლო გამოცდილებას?

რათქმაუნდა. ასეთ კლუბში თამაში ფანტასტიკურია. გასახდელში შესანიშნავი ატმოსფერო იგრძნობა. დამიჯერეთ ეს ძალიან მნიშვნელოვანია. "ოლდ ტრაფორდის" და "კარინგტონის" მაგვარს მსოფლიოში ვერსად ნახავთ.

მიამბეთ, თუ რა ხდება გასახდელში?

როდესაც გასახდელში ვიმყოფები, უმეტესად ჩუმად ვარ და თანაგუნდელების ხუმრობებს ვუსმენ. როდესაც სიცილს ვიწყებ, მაშინვე მათ ვუერთდები. მაგრამ იუმორში კარგი არ ვარ. ბიჭები ცდილობდნენ რამოდენიმეჯერ ჩემთან გახუმრებას. მათ უნდოდათ პატარა სკეჩ–შოუ მომეწყო გასახდელში. ამ ჟანრს, ისინი მოდურად მიიჩნევენ.(იცინის)

აქამდე თქვენ გითამაშიათ "ოლდ ტრაფორდზე", მაგრამ როგორც მოწინააღმდეგეს. რა გრძნობა დაგეუფლათ, როდესაც თქვენს მაისურზე "იუნაიტედის" ემბლემა აღმოჩნდა?

ჩემი დებიუტი ფანტასტიკური გამოდგა. გასახდელიდან გამოსვლის შემდეგ, მე ვიგრძენი სტადიონი და ატმოსფერო. "სელტიკ პარკი" რაღაცით "ოლდ ტრაფორდს" ჰგავს, გულშემატკივრების მხრივ. ესპანეთში გულშემატკივრობის სხვა კულტურაა. იქ კლუბის გულშემატკივრები იშვიათად დაყვებიან კლუბს გასვლით მატჩებზე.

როგორ მოგწონთ მანჩესტერი? განსხვავდება ის ბარსელონასგან?

ქალაქი ბოლომდე არ მინახავს, მაგრამ ძალიან მსურს მისი დათვალიერება. მე და ჩემი ოჯახის წევრები ქალაქის ცენტრში, ერთ სასტუმროში ვცხოვრობთ. ასე რომ, ჩვენი მოგზაურობა რესტორანში ან სუპერმარკეტში ჩასვლით განისაზღვრება. ჩემს შვილს ძალიან უყვარს საყიდლებზე სიარული.

"იუნაიტედის" მიმდინარე შემადგენლობაში ხედავთ რაიმე პოტენციალს? შეუძლიათ მათ ჩემპიონთა ლიგის მოგება?

მათ ყველაფერი აქვთ ამისთვის. მაგრამ გუნდს გამოცდილებასთან ერთად, გამართლებაც უნდა. გამართლება ამ ტურნირში საჭიროა.

რა შთაბეჭდილებები დაგრჩათ სერ ალექსზე?

ის ფანტასტიკური ადამიანია. ეს მისი გუნდია და მან მასზე ყველაფერი იცის.

გრძნობთ თუ არა რაიმე ზეწოლას, ინგლისში რომ გადმოხვდეით სათამაშოდ?

ზეწოლა ყოველთვისაა. მაგრამ მე შემოთავაზება "იუნაიტედისგან" მივიღე და ვიცოდი, რომ ეს ასე იქნებოდა. მე აქ იმიტომ ვარ, რომ ფეხბურთი ვითამაშო და კლუბს წარმატება მოვუტანო.

წყარო:http://redevils.ru

ახალი ამბები

13 კომენტარი

№1

ავტორი: ლადო

4 თებერვალი 2013 23:32

სიახლეები: 1034
კომენტარები: 4351

ბოლო ნაწილი რატო გამუქდა არ ვიცი შემისწორეთ ეს მოდერებო მე რო ვასწორებ იგივეს მიგდებს მაინც....ეს ინტერვიუ 2007 წელს ჩაიწერა, ვინც ვერ მიხვდებით....ხელები აღარ მივარგა...

სურათზე რო აწერტ ქართულად გაალამაზეთ რა გთხოვთ)) მოდერებო

№2

ავტორი: Esi

4 თებერვალი 2013 23:38