"ოლდ ტრაფორდზე" ახალწვეულს ახალი ჩანტი მიუძღვნეს.
მან მხოლოდ სამი მატჩი ჩაატარა "მანჩესტერ იუნაიტედის" შემადგენლობაში, მაგრამ გულშემატკივართა სიყვარული უკვე დაიმსახურა.
ჩილელმა ფეხბურთელმა თავისი სადებიუტო შეხვედრა "იუნაიტედის" საშინაო სტადიონზე შაბათს "ჰადერსფილდთან" მატჩში ჩაატარა და გოლიც გაიტანა.
"ოლდ ტრაფორდის" ტრიბუნების J სტენდზე კი 29 წლის ფეხბურთელს სიმღერა მიუძღვნეს.
სიმღერას იგივე მელოდია აქვს, რაც 1970-ან წლებში უილი მორგანსა და მოგვიანებით სტივ კოპელისადმი მიძღვნილ ჩანტებს ჰქონდა.
"Alex, Alex Sanchez, Alex Sanchez on the wing.
"Alex, Alex Sanchez, Alex Sanchez on the wing.
"We've got Ali Ali Ali Ali Sanchez on the wing, we've got Ali Ali Ali Ali Sanchez on the wing."
ეს არ იყო ერთადერთი ნიშანი, რითაც ახალწვეულისადმი თბილი დამოკიდებულება გამოხატა გულშემატკივარმა.
მათ ასევე გამოფინეს ბანერი, რომელზეც სანჩესს და მის ძაღლებს მიესალმნენ: "კეთილი იყოს თქვენი მობრძანება. ალექსის, ატომ და ჰამბერ".