პრემიერ ლიგის 26- ე ტური, საიუბილეო ამოჩნდა "წითელი ეშმაკების" ესპანელ გოლკიპერ დავიდ დე ხეასთვის. როგორც მოგეხსენებათ, ამ ტურში "იუნაიტედი" "ოლდ ტრაფორდზე", ტურნირის ერთ-ერთ აუტსაიდერს "ჰადერსფილდს" მასპინძლობდა.
შეხვედრა ლოგიკური ანგარიშით 2-0 მასპინძელთა სასარგებლოდ დასრულდა, თავი "იუნაიტედის" ახალწვეულმა ალექსის სანჩესმა და ბელგიელ შემტევმა რომელუ ლუკაკუმ გამოიჩინეს. შედეგად "იუნაიტედმა" ცხრილის მეორე ადგილოსნის პოზიცია კიდევ უფრო გაიმყარა.
ტრადიციულად, ძირითადი შემადგენლობაში იმყოფებოდა "წითლების" ესპანელი კიპერი დავიდ დე ხეა. სწორედ ეს მატჩი აღმოჩნდა დავიდისთვის საიუბილეო. კერძოდ, მან "იუნაიტედში" გადმოსვლის დღიდან ამ მატჩის ჩათვლით უკვე 300 მატჩი მიითვალა პირად ანგარიშზე.
შეგახსენებთ, რომ დე ხეა "მანჩესტერში" 2011 წელს გადმობარგდა. აქამდე ის მადრიდის "ატლეტიკოს ღირსებას იცავდა. მიმდინარე სეზონში, პრემიერ ლიგაში ჩატარებული მატჩებიდან, დე ხეას ანგარიშზე 15 მშრალი მატჩია, რაც საუკეთესო შედეგია.
წყარო: euro-football.ru
ახალი ამბები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.