მარუან ფელაინი დიდი ხანი იუქმებს მოედანზე, ვინაიდან ოპერაციის გაკეთება გახდა საჭირო, რათა მუხლზე მკურნალობა დაიწყოს.

ბელგიელმა ფეხბურთელმა "უემბლიზე" "ტოტენჰემთან" მატჩში მხოლოდ 7 წუთი გაატარა მოედანზე და მომდევნო ტურის შეხვედრა გამოტოვა.

ოპერაცია 30 წლის ფეხბურთელს გუშინ დილას გაუკეთდა და მარცხენა ფეხის მუხლიდან დაზიანებული ფრაგმენტი ამოაცალეს. პროცედურამ წარმატებით ჩაიარა და ახლა მკურნალობას იწყებს. კლუბის მოლოდინით იგი ექვს კვირაში დაბრუნდება.

მატჩის შემდეგ გაკეთებულ კომენტარში ჟოზე მოურინიომ დაადასტურა, რომ მას ფელაინის იმედი უახლოეს მომავალში ვეღარ ექნება და ასევე ივარაუდა, რომ ფეხბურთელი მსოფლიო ჩემპიონატსაც არ გამოტოვებს.

"დღეს დილას ოპერაცია გაიკეთა. არ მინდა, ძალიან სპეციფიური ვიყო. მირჩევნია, ექიმმა მოგაწოდოთ ოფიციალური ინფორმაცია, რომელსაც ჩვენს ვებ-გვერდზე გამოვაქვეყნებთ. მაგრამ ეს სეზონის დასასრული არ არის მისთვის. სულაც არა.

მას გარკვეული სახის პრობლემა აქვს მუხლზე და მინდა მჯეროდეს, რომ მარტის ბოლოს დაგვიბრუნდება. და თუ დაბრუნდება, იმედი მაქვს, რომ წინ დიდი აპრილი და დიდი მაისი გვექნება სხვა ტურნირზე თამაშის წყალობით".