"მანჩესტერ იუნაიტედის" მთავარმა მწვრთნელმა ჟოზე მოურინიომ განაცხადა, რომ არ სჯერა კლუბიდან ზლატან იბრაჰიმოვიჩის ნაადრევად წასვლის.

პრესაში გავრცელდა ინფორმაცია, რომ შვედი ფეხბურთელი ამერიკის შეერთებულ შტატებში აპირებს კარიერის გაგრძელებას, მისით დაინტერესებული გუნდი კი "ლოს-ანჯელეს გელექსია".

თუმცა, მოურინიო ასე არ ფიქრობს და იმედოვნებს, რომ ზლატანი გუნდის დახმარებას კიდევ მოახერხებს.

"მას ყოველდღე ვხვდები. მასთან პირდაპირ არ ვმუშაობ, მაგალითად, დღეს მხოლოდ ის ვნახე, თუ როგორ ვარჯიშობს ფიზიოთერაპევტთან ერთად.

არასოდეს უხსენებია მსგავსი რამ ჩემთან საუბრისას. არასოდეს გამოუთქვამს თავისი აზრი და არც კომენტარი გაუკეთებია, ამიტომაც ვფიქრობ, რომ ეს სიცრუეა. ალბათ, მე ყველაზე პირველად მეტყოდა, ასე რომ ყოფილიყო. ამიტომაც ვერ წარმომიდგენია, რომ წავიდეს", - განაცხადა მოურინიომ.