"ტოტენჰემთან" მატჩის წინ ჟოზე მოურინიომ აღნიშნა, რომ შემადგენლობის შერჩევისას მას დიდი თავის ტკივილი ექნება, ვინაიდან ძალიან ბევრი ფეხბურთელია კარგ ფორმაში.
"მანჩესტერ იუნაიტედის" ოფიციალურ ვებ-გვერდთან ინტერვიუს მიცემისას პორტუგალიელმა დაადასტურა, რომ მის გუნდში ინგლისის თასის მატჩის შემდეგ ახალი ტრავმირებული ფეხბურთელი არ არის.
ეს ნიშნავს, რომ ერთადერთი მიუწვდომელი ფეხბურთელები დიდი ხანია უქმად მყოფი ერიკ ბაიი და ზლატან იბრაჰიმოვიჩი არიან.
"მეტი ტრავმირებული არ გვყავს. იოვილში რთული მატჩი, რთული პირობები გვქონდა, მაგრამ ყველაფერი კარგად დამთავრდა".
როცა ჰკითხეს, ეს მისთვის ჯანსაღ პრობლემას ხომ არ წარმოადგენდა, ჟოზემ უპასუხა: "რა თქმა უნდა. ნამდვილი თავის ტკივილი ის არის, როცა ფეხბურთელები არ გყავს, ანუ როცა იმდენი ტრავმირებულია, რომ პრობლემები გექმნება. როცა თითქმის ყველა ხელმისაწვდომია და მათი დონეც მაღალია, უკვე კარგი პრობლემა გაქვს."
მწვრთნელმა ასევე აღნიშნა, რომ გუნდის ფეხბურთელები დიდი თავდაჯერებულობით სარგებლობენ, ვინაიდან 2018 წელი სხვადასხვა ტურნირზე ჩატარებულ 5 მატჩში გოლის გაშვების გარეშე დაიწყეს. "იანვარში ყველა მატჩი მოვიგეთ, ვგონებ სამი პრემიერ ლიგისა და ორი სათასო, ასე რომ, ხუთი გამარჯვება გუნდს აბედნიერებს. კარგი ბალანსით ვთამაშობთ. ამ ქვეყანაში არსებული მაღალი საფეხბურთო დონის ფონზე ადვილი არ არის, კარის "მშრალად" შენახვა. გოლების გატანა და მატჩების მოგება ძალიან მნიშვნელოვანია, რადგან ქულები გვჭირდება. კარგად ვთამაშობთ და ამ გამარჯვებებს ვიმსახურებთ".
ამაღამდელი შეხვედრა "უემბლიზე" გაიმართება, ვინაიდან "ტოტენჰემი" თავისი საშინაო სტადიონის შენების პროცესშია.
"იუნაიტედს" ბოლო წლებში ძალიან კარგი შედეგები აქვს ეროვნულ სტადიონზე და თავად ჟოზემაც მოიგო იქ "წითლების" მწვრთნელის რანგში 2 მატჩი, თუმცა მაშინ სტადიონი ნეიტრალური იყო.
"უემბლიზე" "ტოტენჰემისა" და "ჩელსის" მატჩს დავესწარი და ვგრძნობდი, რომ ეს მათი საშინაო სტადიონი იყო, ვინაიდან სავსე იყო "ტოტენჰემის" გულშემატკივრებით. მიჩვეული ვარ, რომ "უემბლიზე" ყოფნისას გულშემატკივართა რაოდენობა 50/50, ამიტომ ეს ჩემი პირველი შემთხვევა იყო, როცა ტრიბუნები ასეთ მდგომარეობაში დავინახე. ეს საოცარი სტადიონია და ჩვენც სიამოვნებით ვთამაშობთ იქ.
"დეზები" ჩემპიონატის ერთ-ერთი ტოპ გუნდია. არა ტიტულისთვის მებრძოლი, რადგან ისინი ძალიან შორს არიან, მაგრამ გულახდილად ვიტყვი, რომ ჩემპიონთა ლიგის მოგების კანდიდატები არიან. მათ ქვეყნის ერთ-ერთი საუკეთესო ფეხბურთელები ჰყავთ, ერთ-ერთი საუკეთესო მწვრთნელი და ძალიან რთულ მეტოქეს წარმოადგენენ.
ეს დიდი მატჩია. ჩვენსა და "ტოტენჰემს" შორის ქულათა სხვაობა შვიდი თუ რვაა, მაგრამ რეალობა ის არის, რომ თავისი ამბიციითა და შემადგენლობით დიდი გუნდია. ამას დამატებული ჩვენი გუნდის დონე კი დიდ მატჩს ქმნის."
ახალი ამბები, ინტერვიუები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.