skysports-ი აქვეყნებს 29 იანვარს გავრცელებულ ჭორებს, რომელიც ''იუნაიტედის'' გარშემო ტრიალებს.
გერმანული გამოცემა Bild-ის ინფორმაციით, ''მანჩესტერ იუნაიტედი'' შეუერთდა ''ბაიერნის'' ფეხბურთელ ვიდალისთვის ბრძოლას. წყაროს ინფორმაციით, ''ბაიერნს'' სურს ჩილელის გაყიდვა, ვინაიდან გუნდში მოვიდა ლეონ გორეცკა.
ესპანური გამომცემლობა El Confidencial აქვეყნებს ინფორმაციას, რომ ''რეალ მადრიდი'' მათ ვარსკვლავს ჩართავს დე ხეას ტრანსფერში. საუბარია რონალდოზე, რომელმაც საგრძნობლად მოუკლო თამაშს და ფორმიდანაა ამოვარდნილი. მოცემული გარიგება განხორციელდება, ცნობილი აგენტის ხორხე მენდეშის მიერ.
ESPN-ის ცნობით ''მანჩესტერ იუნაიტედის'' შვედი ფორვარდი ზლატან იბრაჰიმოვოჩი, ახლოსაა ამერიკაში გამგზავრებასთან, კერძოდ მის ტრანსფერს ''ლა გალაქსიში'' ვარაუდობენ. გამომცემლობის ცნობით, იბრა მოლაპარაკებებს აწარმოებს კლუბთან.
ბოლოს, Marca-მ გაავრცელა ინფორმაცია, რომ ''იუნაიტედი'' ინტერესდება, ''დორტმუნდის ბორუსიას'' მცველით, საუბარია მარკ ბარტრაზე. მის შეძენასთან ''რეალ ბეტისი'' ძალიან ახლოს იყო, თუმცა Marca -ს ცნობით, მათ ბარტრასთვის ბრძოლა მოუწევთ, რადგან ის როგორც ''იუნაიტედს'', ასევე ''სიტის'' და ''იუვენტუსს'' აინტერესებს.