როგორც ჩანს ფლორენტინო პერესი მეგა ტრანსფერებისთვის მზადებას კვლავ შეუდგა. "რეალის" პრეზიდენტი გუნდის მნიშვნელოვნად გაძლიერებას გეგმავს და ამისთვის სოლიდური თანხის გაღებას აპირებს. მისი მიზანი კი პრემიერ ლიგის ფეხბურთელები იქნებიან.
ფლორენტინიოს ზაფხულის სატრანსფერო ფანჯრისთვის უკვე 570 მილიონი ევრო აქვს გადადებული. აქამდე გავრცელებული ცნობით პერესი მხოლოდ 300 მილიონის დახარჯვას გეგმავდა თუმცა სიტუაცია შეიცვალა პრეზიდენტმა თანხები მნიშვნელოვნად გაზარდა.
ზიდანს თავდასხმის ხაზის გაძლიერება სურს, შესაძლოა კლუბი ფრანგ თავდამსხმელმა კარიმ ბენზემამ დატოვოს, ხოლო "რეალი" მის ჩანაცვლებას "ტოტენჰემის" ნიჭიერი ახალგაზრდა თავდამსხმელით ჰარი კეინით აპირებს, რომელშიც მზადაა 228 მილიონი ევრო გადაიხადოს.- იუწყება Daily Mail.
ასევე იგეგმება "ჩელსის" ბელგიელი ჰავბეკის ედენ აზარის ყიდვაც რომელიც დიდი ხანია უკვე "მადრიდელების" სამიზნეა. "იუნაიტედის" გულშემატკივრებს კი ნამდვილდ არ მოეწონებათ ის ფაქტი, რომ პერესი დე ხეას თვალთვალს თავს არ ანებებს, მეკარის მის რიგებში ხილვა კი დღემდე სურს, როგორც ირკვევა ზაფხულის სატრანსფერო ფანჯარაზე "რეალი" "იუნაიტედს" შეთავაზებას გაუკეთებს. პერესი აზარისა და დე ხეას სანაცვლოდ 114 მილიონ ევროს ჩამოდის.