"იუნაიტედის" მაისურის მორგების შემდეგ, ალექსის სანჩესმა "წითლების შემადგენლობაში სადებიუტო მატჩიც გამართა. ინგლისის ასოციაციის თასის შეხვედრაში "წითელი ეშმაკები" სტუმრად "იოვილ თაუნს" დაუპირისპირდნენ.
შეხვედრა სტუმრების დამაჯერებელი ანგრიშით 0-4 დასრულდა. ერთ - ერთი საგოლე გადაცემა სწორედ ჩილელ ფეხბურთელ ალექსის სანჩესმა მიითვალა. შეხვედრის დასრულების შემდეგ ჟურნალისტებისთვის მიცემულ ინტერვიუში ჟოზე მოურინიომ ალექსისის მიმართ საქებარი სიტყვები არ დაიშურა.
"სანჩესი ჩვენი გუნდისთვის ფანტასტიური შენაძენია. ჩვენ ყველა ბედნიერები ვართ, რომ მან "იუნაიტედში" თამაში გადაწყვიტა. კარგ ფეხბურთელებს ყოველთვის სურთ ითამაშონ კარგ ფეხბურთელებთან. ხშირად ისმის კითხვები თუ ვინ არ ითამაშებს გუნდის ძირითადში, თუმცა მინდა გითხრათ, რომ ჩვენ ეს არ გვაღელვებს.
ჩვენ შემტევი სტილის შესანიშნავი ფეხბურთელები გვყავს. როდესაც "იოვილს" მეორე გოლი გავუტანეთ საგოლე პასი კი ალექსის სანჩესმა გააკეთა, მივიღეთ გადაწყვეტილება, რომელიც რეშფორდისთვის ზედმეტი დატვირთვის და ნერვიულობის მოხსნას ითვალისწინებდა. სანჩესი მოწიფულობისა და მაღალი კლასის მაგალითის მომტანია "იუნაიტედისთვის".- ციტირებს BBC - ჟოზეს სიტყვებს.