ასოციაციის თასის შეხვედრაში, "მანჩესტერ იუნაიტედი" სტუმრად "იოვილს" დაუპირისპირდება. აღნიშნული შეხვედრა დღეს თბილისის დროით 23:55 სთ - ზე დაიწყება. ამ დაპირისპირებას, მოურინიოს გადაწყვეტილებით რამოდენიმე წამყვანი ფეხბურთელი დასვენების მიზნით გამოტოვებს.
Manchester Evening News - ის ჟურნალისტების ცნობით, ინგლისის სამხრეთ- დასავლეთით წასულ ფეხბურთელებს შორის "იუნაიტედს" რამოდენიმე წამყვანი ფეხბურთელი აკლდა. დღევანდელ შეხვედრაში არ იქნებიან: "დავიდ დე ხეა, ენტონი მარსიალი, პოლ პოგბა, ანტონიო ვალენსია და ფილ ჯონსი. გუნდთან ერთად ასევე არ ყოფილან, მარუან ფელაინი და დეილი ბლინდიც".
გუშინ გამართულ პრეს - კონფერენციაზე "წითლების დამრიგებელმა ჟოზე მოურინიომ აღნიშნულ თემებზე ისაუბრა: "ჩვენ გადავწყვიტეთ რემოდენიმე ფეხბურთელს დასვენების საშუალება მივცეთ, ხოლო რამოდენიმე მათგანს ჯერ კიდევ მცირე პრობლემები აწუხებს ჯამრთელობის მხრივ. ჩვენ გვინდა ამ პრობლემების ამჟამად აღმოფხვრა, რადგან შესაძლოა პრემიერ ლიგისა და ჩემპიონთა ლიგის მატჩებში ამან ცუდად იმოქმედოს ჩვენზე".
აღსანიშნავია ისიც, რომ "იუნაიტედის" ახალგაზრდა ნიჭიერ ფეხბურთელმა ანხელ გომესმა რომელმაც უკვე მოაწერა ხელი პირველ პროფესიონალურ ხელშეკრულებას კლუბთან, შეძლო "წითლების" ძირითად გუნდში გამოჩენა. შესაძლოა დღეს მაყურებელმა 17 - წლის ფეხბურთელი მოედანზეც იხილოს.
"იოვილ თაუნში" წასულ შემადგენლობის სია ასე გამოიყურება: "რომერო, პერეირა, ო'ჰარა, სმოლინგი, როხო, ლინდელოფი, იანგი, შოუ, დარმიანი, მაკტომინი, მატიჩი, კერიკი, ერერა, გომესი, მატა, ლინგარდი, სანჩესი, რეშფორდი, ლუკაკუ".