ზამთრის სატრანსფერო ფანჯარა ჯერ არ დახურულა. "იუნაიტედს" ნახევარმცველის დამატება და ამ პოზიციის გაძლიერება სურს. ჟოზე მოურინიოს გეგ მებში მადრიდული კლუბის ხორვატი ნახევარნცველი მატეო კოვაჩიჩი შედის.
როგორც ცნობილი გამოცემა Mirror - იუწყება, "მანჩესტერ იუნაიტედი" ფეხბურთელის თაობაზე პერესის გუნდს შეთავაზებას გაუკეთებს. "წითლების" პორტუგალიელი დამრიგებელი, ხორვატ ფეხბურთელში ხედავს მაიკლ კერიკის შემცვლელს. მოგეხსენებათ, კერიკი მომავალ ზაფხულს საფეხბურთო კარიერას დაასრულებს.
გარდა კერიკისა, კლუბს კიდევ ერთი ნახევარმცველი მარუან ფელაინიც დატოვებს, რომელთანაც ახალი კონტრაქტის გაფორმება ისევ ვერ მოხერხდა, ხოლო სეზონის დასრულების შემდეგ, ბელგიელი "ოლდ ტრაფორდს" თავისუფალი აგენტის სტატუსით დატოვებს.
რაც შეეხება კოვაჩიჩის მადრიდულ კარიერას, უნდა ითქვას, რომ ნიჭიერი ახალგაზრდა ფეხბურთელი ესპანური გრანდის სათადარიგო ფეხბურთელია. ლა ლიგის მიმდინარე სეზონში კოვაჩიჩი მოედანზე მაყურებელმა მხოლოდ ექვსჯერ იხილა.