აფრიკელი ფეხბურთელი მომდევნო თვეში მოედანზე გასვლას შეძლებს.
"მანჩესტერ იუნაიტედში" დარწმუნებულნი არიან, რომ ერიკ ბაიი გამოჯანმრთელების პირასაა და მომდევნო თვეში ჩემპიონთა ლიგის ეგიდით "სევილიასთან" გასამართ მატჩში მონაწილეობას შეძლებს.
საერთაშიროს შესვენებისას კოტ დ'ივუარის ნაკრებში მიღებული ტრავმის გამო მცველმა დეკემბერში ოპერაცია გაიკეთა მუხლზე.
ჟოზე მოურინიოს მოლოდინით, 23 წლის ფეხბურთელს მარტამდე ვერ უნდა მოეხერხებინა თამაში, მაგრამ ESPN FC იტყობინება, რომ "იუნაიტედის" სამედიცინო შტაბი პოზიტიურად არის განწყობილი ბაიის ჯანმრთელობის მდგომარეობასთან დაკავშირებით და მის დაბრუნებას 21 თებერვლისთვის ვარაუდობენ.
ცენტრალურმა მცველმა "იუნაიტედის" რიგებში თავისი ბოლო შეხვედრა 5 ნოემბერს "ჩელსისთან" წაგებულ მატჩში ჩაატარა და მიმდინარე სეზონში შთამბეჭდავად გამოიყურებოდა.
მისი დანაკლისის ფონზე "იუნაიტედის" დაცვის ცენტრს ფილ ჯონსი, კრის სმოლინგი და მარკოს როხო ამაგრებენ, მაგრამ მოურინიო მოუთმენლად ელის აფრიკელის დაბრუნებას და სწორედ მისი მდგომარეობიდან გამომდინარე აპირებს გადაწყვიტოს, იჯარის წესით გაუშვას თუ არა აქსელ ტუანზებე.
ტუანზებემ მხოლოდ სამი მატჩი ჩაატარა მიმდინარე სეზონში, ამიტომ სათამაშო პრაქტიკის ნაკრებობას განიცდის, რის გამოსწორებასაც მოურინიო მისი განათხოვრებით აპირებს.
მსურველთა შორის "ასტონ ვილაა", თუმცა გადაწყვეტილებას პორტუგალიელი სპეციალისტი მხოლოდ მიმდინარე კვირის ბოლოს მიიღებს.
წყარო:
espn