ფილ ნევილი ინგლისის ქალთა ნაკრების მთავარი მწვრთნელის პოსტზე დაინიშნა.

41 წლის ნევილმა პოსტი მოუ მერლისგან გადაიბარა და კონტრაქტი 2021 წლამდე გააფორმა.

"გუნდი განსაკუთრებული მიღწევების ზღვარზეა და მჯერა, რომ მათ ახალ დონეზე ავიყვან", - განაცხადა ნევილმა.

ინგლისის ქალთა ნაკრები მსოფლიო რეიტინგში მესამე პოზიციას იკავებს და 2019 წელს საფრანგეთში გასამართ მსოფლიო ჩემპიონატზე ერთ-ერთ ფავორიტად მიიჩნევა.

"ამაყი ვარ, რომ ინგლისის ნაკრების გაწვრთნის საშუალება მომეცა. ახალი სამწვრთნელო გუნდით ჩვენს ფეხბუთელებს პროგრესირებაში დავეხმარებით.

არ არსებობს უფრო დიდი პატივი, ვიდრე საკუთარი ქვეყნის წარმოდგენაა და ეს ჩემთვის კიდევ ერთი პრივილეგია იქნება".

წყარო: bbc.com