პორტუგალიური მედიის საინტერესო ცნობები.
"მანჩესტერ იუნაიტედმა" და "არსენალმა" პარასკევს "პორტუსა" და "ტონდელას" მატჩზე სკაუტები გაგზავნეს, გამოცემა A BOLA კი იტყობინება, თუ ვის აკვირდებოდნენ ისინი.
პორტუგალიური მედიის ცნობით, ორივე კლუბს სურს, თავიანთ სამომავლო სატრანსფერო სამიზნეებად დანილო პერეირა განიხილონ.
აღნიშნული მატჩი "პორტუს" გამარჯვებით დასრულდა და შეხვედრის ერთადერთი გოლი მუსა მარეგამ გაიტანა. მიუხედავად იმისა, რომ გამარჯვებულის ბედი მარეგამ გადაწყვიტა, საუკეთესო ფეხბურთელად გაზეთებმა მაინც დანილო მიიჩნიეს და მისი თამაში 10-ბალიანი სისტემით რვა ქულით შეაფასეს.
26 წლის ფეხბურთელი შესანიშნავ ფორმაში იმყოფება, რამაც გააჩინა ეჭვი, რომ სწორედ მას აკვირდებოდნენ ინგლისური კლუბების წარმომადგენლები.
თუმცა, ეს მხოლოდ პორტუგალიური მედიის მოსაზრებაა და არავითარი საფუძველი არ არსებობს დარწმუნებით ვთქვათ, რომ აუცილებლად მართალია. მით უმეტეს, რომ ინგლისური კლუბების წარმომადგენლები ხშირად ესწრებიან პორტუგალიის ჩემპიონატში მოასპარეზე გრანდების მატჩებს.
წყარო:
sportwitness