თბილისი:
მანჩესტერი:
24-01-2018, 08:38
ავტორი: RojoDiablo,
ნანახია: 826,
კომენტარები: 9
ალექსის სანჩესის გზა "იუნაიტედამდე"
გავიგოთ მეტი "იუნაიტედის" ახალწვეულის შესახებ.
ალექსის სანჩესის გზა
ალექსის სანჩესის ბუნებრივი ნიჭი და გლობალურ ვარსკვლავად ქცევის უნარი პატარაობიდანვე ნათელი იყო.

მხოლოდ 16 წლის იყო, როცა 2005 წლის თებერვალში "კობრელოას" პირველი გუნდის რიგებში მისი დებიუტი შედგა. ეს კლუბი მისი სამშობლოს ჩრდილოეთით, მსოფლიოს ყველაზე დიდი კრატერის, ჩუკიკამატას სიახლოვეს მდებარეობს.

მწვრთნელმა, რომელმაც მას თავის გამოჩენის საშუალება მისცა, ნელსონ აკოსტამ 2011 წელს "ტელეგრაფისთვის" მიცემულ ინტერვიუში განაცხადა: "როგორც წესი, ახალგაზრდა ბიჭებს რაღაც აკლიათ, იქნება ეს უნარები, ხედვა თუ მეტოქის მოტყუება. მაგრამ არა ალექსისს. ეს ძალიან იშვიათი მოვლენაა."



მოსალოდნელი იყო ის ინტერესი, რომელსაც ევროპელი სკაუტები ალექსისის მიმართ იჩენდნენ, 2006 წელს "უდინეზემ" აპრილის თვეში ყველას დაასწრო და ჩილელი თავის რიგებში გადაიბირა, თუმცა, მაშინვე გაანათხოვრა ჩილეს სხვა კლუბში, "კოლო კოლოში", რის შემდეგაც იტალიურმა კლუბმა მას გზა არგენტინაში მოუძებნა და ამჯერად "რივერ პლეიტს" მიაბარა. ორივე სამხრეთ ამერიკულ კლუბთან ერთად ჩემპიონატის მოგების შემდეგ სანჩესი იტალიაში დაბრუნდა და "უდინეზეს" გუნდის უცვლელი წევრი გახდა სამი სეზონის განმავლობაში.

112 მატჩში გატანილი 21 გოლისა და სერია A-ში ნაჩვენები არაერთი შთამბეჭდავი მატჩის შემდეგ 2011 წლის ზაფხულს ალექსისს "ბარსელონამ" უხმო, რაც უარით არ გაუსტუმრებია ფეხბურთელს, რომელიც კატალონიელთა ისტორიაში პირველი ჩილელი მოთამაშე გახდა.

"ნოუ კამპზე" გატარებულ თავის პირველ სეზონში სანჩესი ლიონელ მესისა და დავიდ ვილიასთან ერთად შთამბეჭდავ ტრიოს ქმნიდა შეტევის ხაზში, რის ხარჯზეც მან კოპა დელ რეი, ესპანეთის სუპერ თასი, UEFA-ს სუპერ თასი და FIFA-ს მსოფლიო საკლუბო ჩემპიონატი მოიგო პეპ გვარდიოლას ხელმძღვანელობით.

ალექსის სანჩესის გზა "იუნაიტედამდე"


მან ასევე მნიშვნელოვანი როლი ითამაშა 2012/2013 წლებში ლა ლიგაში მიღწეულ ტრიუმფში, როცა ყველა ტურნირზე 11 გოლი გაიტანა, სანამ თავის უმაღლეს ნიშნულს მიაღწევდა ესპანეთში ყოფნისას 21 გოლითა და 14 საგოლე გადაცემით.

თუმცა, 2013/14 წლების სეზონში "ბარსელონას" რიგებში ბრაზილიელი ფორვარდი ნეიმარი გადავიდა, რაც სანჩესის კატალონიური კარიერის დასასრული იყო. ამის შემდეგ ჩილელმა ახალი გამოწვევა მიიღო და პრემიერ ლიგაში "არსენალს" შეუერთდა 30 მილიონ ფუნტად.



უნივერსალურ შემტევს დიდი ხანი არ დასჭირვებია, სანამ ჩრდილოეთ ლონდონში ფეხს მოიკიებდა. თავისი პირველი ტიტული "მეთოფეთა" რიგებში სადებიუტო შეხვედრაშივე აღმართა, როცა არსენ ვენგერის გუნდმა 2014 წლის ქომუნითი შილდის თასზე "მანჩესტერ სიტი" 3-0 დაამარცხა.

დედაქალაქში გატარებულმა პირველმა შთამბეჭდავმა სეზონმა ალექსისს ბევრი თაყვანისმცემელი გაუჩინა და იმ წელს პროფესიონალ ფეხბურთელთა ასოციაციის წლის საუკეთესო გუნდშიც მოხვდა, გარდა ამისა კი დასახელდა "არსენალის" წლის საუკეთესო ფეხბურთელად. FA თასის ფინალში "ასტონ ვილას" კარში გატანილი გოლით კი ჩილელმა თავისი სეზონური მონაგარი 25 გოლამდე აიყვანა, რაც შესანიშნავ შედეგად შეიძლება ჩაითვალოს.

მიუხედავად იმისა, რომ 2015/16 წლების სეზონის გარკვეული ნაწილი ტრავმის გამო გამოტოვა, ალექსისმა მაინც მოახერხა მეტოქეთა კარის აღება 17-ჯერ, რასაც მოჰყვა "არსენალის" მაისურით ჩატარებული უკანასკნელი სრული სეზონი.

გასულ წელს მან არაერთი თვალსაჩინო მომენტი შემოგვთავაზა თავისთვის ფენომენალურ სეზონში და კიდევ ერთხელ გახდა "არსენალისა" და პროფესიონალ ფეხბურთელთა ასოციაციის წლის საუკეთესო მოთამაშე.

მეტწილად შეტევაზე ორიენტირებულმა ალექსისმა თავისი საუკეთესო სეზონი ჩაატარა და კარიერაში პირველად გაიტანა ერთ სეზონში 30 გოლი, რასაც 17 საგოლე გადაცემა დაურთო.

ალექსის სანჩესის გზა "იუნაიტედამდე"


მან კიდევ ერთხელ დაამტკიცა, რომ შესანიშნავი მოთამაშეა, ითამაშა რა გადამწყვეტი როლი FA თასზე "მეთოფეთა" მორიგ წარმატებაში. გათამაშების ნახევარფინალში ჩილელმა დამატებით ტაიმში გამარჯვების გოლი გაუტანა "მანჩესტერ სიტის", ფინალში კი სწორედ მის სახელს ეკუთვნის უსწრაფესი გოლი - შეხვედრის 229-ე წამზე სანჩესმა "ჩელსის" კარი აიღო და თავისი გუნდი დააწინაურა შეხვედრაში, რომელიც "მეთოფეებმა" 2-1 მოიგეს.

ალექსისი თავის მსოფლიო დონეს არამარტო საკლუბო, არამედ საერთაშორისო მატჩებშიც აჩვენებდა. ჩილეს ნაკრებში მისი დებიუტი 17 წლის ასაკში, 2006 წლის აპრილში შედგა და მას შემდეგ გუნდის მნიშვნელოვან ფიგურად იქცა. სანაკრებო მოგონებებს მიეწერება 2014 წლის მსოფლიო ჩემპიონატზე მისი წარმატებული ასპარეზი და კოპა ამერიკას ორჯერ მოგება, რომელთაგან ერთ-ერთში სწორედ მან გაიტანა გადამწყვეტი 11-მეტრიანი არგენტინასთან.

ალექსის სანჩესის გზა "იუნაიტედამდე"


სანჩესი არის ჩილეს ნაკრების საუკეთესო ბომბარდირი 38 გოლით და "მანჩესტერ სიტის" მეკარე კლაუდიო ბრავოსთან ერთად მას ყველაზე მეტი, 115 მატჩი აქვს ჩატარებული თავისი ქვეყნის ეროვნული ნაკრების რიგებში, მაგრამ სამწუხაროა, რომ მას მიმდინარე წლის ზაფხულს რუსეთში გასამართ მსოფლიო პირველობაზე ვერ ვიხილავთ, ვინაიდან ჩილელებმა საკვალიფიკაციო ეტაპი ვერ გადალახეს.

გასულ ზაფხულს კონფედერაციის თასზე მიღებული ტრავმის შემდეგ ალექსისმა მიმდინარე სეზონი კულისებს მიღმა დაიწყო, მაგრამ ფორმაში ჩადგომის შემდეგ მან კვლავ გამოავლინა თავისი უნარები და შობამდე 8 გოლს მოუყარა თავი.

ბოლო პერიოდში კი ხშირი იყო საუბრები სანჩესის მომავალთან დაკავშირებით, მაგრამ "მანჩესტერ იუნაიტედმა" უდიდეს კონკურენციას სძლია და 22 იანვრიდან ჩილელი თავის სამსახურში ჩაიყენა.

მისი კრეატიულობა და ტექნიკური აღჭურვილობა, შეტევის ხაზში ნებისმიერ პოზიციაზე თამაშის უნარი მას ერთ-ერთ დამრტყმელ ძალად აქცევს და ჟოზე მოურინიოს უჩენს მორიგ თავის ტკივილს. ინგლისის თასზე, პრემიერ ლიგასა და ჩემპიონთა ლიგაზე ასპარეზობის უფლების მქონე სანჩესი იმედოვნებს, რომ თავისი ტიტულების სიას მიმდინარე სეზონში კიდევ შემატებს რამდენიმე თასს, "იუნაიტედის" გულშემატკივარი კი მხოლოდ ბედნიერი იქნება, თუკი ჩილელის მოლოდინი გამართლდება.
სტატიები
9 კომენტარი
№1
ავტორი: nika_nikusha
24 იანვარი 2018 09:49
  • სიახლეები: 0
  • კომენტარები: 162
აჭარაბეთმა დადო პოსტი ფეისბუქზე სანჩესი ყველაზე მაღალ ანაზღაურებადი ფეხბურთელი გახდაო და კომენტარები ნეტა განახათ wink

ეს ბებერი რაღათ უნდოდათო, სუ გამოსირდნენო და რაღაცეებს წერენ.

არადა ტიპი იმენა ლიდერია სულით და შეუძლია თამაშის ბედის გადაწყვეტა ნებისმიერ დროს, მაგრად მჯერა რომ მანჩესტერლი კარიერა ექნება ძალიან მაგარი
1
№2
ავტორი: dachi_mu
24 იანვარი 2018 10:35
  • სიახლეები: 0
  • კომენტარები: 1457
ციტატა: nika_nikusha
აჭარაბეთმა დადო პოსტი ფეისბუქზე სანჩესი ყველაზე მაღალ ანაზღაურებადი ფეხბურთელი გახდაო და კომენტარები ნეტა განახათ wink

ეს ბებერი რაღათ უნდოდათო, სუ გამოსირდნენო და რაღაცეებს წერენ.

არადა ტიპი იმენა ლიდერია სულით და შეუძლია თამაშის ბედის გადაწყვეტა ნებისმიერ დროს, მაგრად მჯერა რომ მანჩესტერლი კარიერა ექნება ძალიან მაგარი

mtrebi brat.. dabogmili sitis chelsis da arsenalis fanebi :D realis .. yvelaferi moigo sharshan realma da mainc manchesterma gaaswro shemosavlebit :D
0
№3
ავტორი: Alexis7
24 იანვარი 2018 11:53
  • სიახლეები: 1
  • კომენტარები: 41
38 არა 39 გოლი აქ ნაკრებში

ციტატა: nika_nikusha
№1ავტორი: nika_nikusha
[ პასუხი ]
დღეს, 09:49
სიახლეები: 0კომენტარები: 151
აჭარაბეთმა დადო პოსტი ფეისბუქზე სანჩესი ყველაზე მაღალ ანაზღაურებადი ფეხბურთელი გახდაო და კომენტარები ნეტა განახათ

ეს ბებერი რაღათ უნდოდათო, სუ გამოსირდნენო და რაღაცეებს წერენ.

არადა ტიპი იმენა ლიდერია სულით და შეუძლია თამაშის ბედის გადაწყვეტა ნებისმიერ დროს, მაგრად მჯერა რომ მანჩესტერლი კარიერა ექნება ძალიან მაგარი

მანდ ეგეთ კომენტარს ან გაბოროტებული არსენალის ფანები წერენ ან კიდევ პროსტა მოთამაშე სასტავი ფეხბურთის გარტყმაში რო არ არიან და მესი რო იციან მარტო ასე რომ არ უნდა მიაქციო ყურადღება :D
0
№4
ავტორი: ikeoni
24 იანვარი 2018 12:18
  • სიახლეები: 0
  • კომენტარები: 4542
Jer Erti 29 wlisaa rais beberia da mere meore iseti mebzoli da janze mosuli tipia 33 wlis asakshic am doneze iqneba darwmunebuli var valesi ar iyos:))❤️
1
№5
ავტორი: Svani
24 იანვარი 2018 13:29
  • სიახლეები: 352
  • კომენტარები: 1283
მინიმუმ 4 წელი სანჩესი იმ ფეხბურთს ითამაშებს რასაც აქამდე თამაშობს, მჯერა რო იუნაიტედს მნიშვნელოვანი ტიტულების გარეშე არ დატოვებს.
0
№6
ავტორი: SANDROGRIGA
24 იანვარი 2018 14:22
  • სიახლეები: 1
  • კომენტარები: 4624
სულ მინდოდა მანჩესტერში winked
0
№7
ავტორი: nika_nikusha
24 იანვარი 2018 14:31
  • სიახლეები: 0
  • კომენტარები: 162
ციტატა: Alexis7
38 არა 39 გოლი აქ ნაკრებში

ციტატა: nika_nikusha
№1ავტორი: nika_nikusha
[ პასუხი ]
დღეს, 09:49
სიახლეები: 0კომენტარები: 151
აჭარაბეთმა დადო პოსტი ფეისბუქზე სანჩესი ყველაზე მაღალ ანაზღაურებადი ფეხბურთელი გახდაო და კომენტარები ნეტა განახათ

ეს ბებერი რაღათ უნდოდათო, სუ გამოსირდნენო და რაღაცეებს წერენ.

არადა ტიპი იმენა ლიდერია სულით და შეუძლია თამაშის ბედის გადაწყვეტა ნებისმიერ დროს, მაგრად მჯერა რომ მანჩესტერლი კარიერა ექნება ძალიან მაგარი

მანდ ეგეთ კომენტარს ან გაბოროტებული არსენალის ფანები წერენ ან კიდევ პროსტა მოთამაშე სასტავი ფეხბურთის გარტყმაში რო არ არიან და მესი რო იციან მარტო ასე რომ არ უნდა მიაქციო ყურადღება :D





მარტო მესი რო იციან მომეწონაა wink wink wink
0
№8
ავტორი: stepno
25 იანვარი 2018 00:50
  • სიახლეები: 0
  • კომენტარები: 3159
ess mxeciiaa imenaa mxeciii :-*
0
№9
ავტორი: glory28
25 იანვარი 2018 15:15
  • სიახლეები: 0
  • კომენტარები: 60
love
0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

შემოგვიერთდი

მომდევნო მატჩები

21 თებერვალი 2018, 23:45
სევილია
იუნაიტედი
ჩემპიონთა ლიგა
25 თებერვალი 2018, 18:05
იუნაიტედი
ჩელსი
პრემიერ ლიგა
3 მარტი 2018, 19:00
კრისტალ პალასი
იუნაიტედი
პრემიერ ლიგა
სევილია21 თებერვალი
ჩელსი25 თებერვალი
კრისტალ პალასი3 მარტი

წინა მატჩები

17 თებერვალი 2018, 21:30
ჰადერსფილდი0
იუნაიტედი2
ინგლისის თასი
11 თებერვალი 2018, 18:15
ნიუკასლი1
იუნაიტედი0
პრემიერ ლიგა
3 თებერვალი 2018, 19:00
იუნაიტედი2
ჰადერსფილდი0
პრემიერ ლიგა
ჰადერსფილდი17 თებერვალი
ნიუკასლი11 თებერვალი
ჰადერსფილდი3 თებერვალი

მატჩის საუკეთესო

რომელუ ლუკაკუ
9
რომელუ ლუკაკუ

პრემიერ ლიგა

ჩამოშლა

წიგნები

ყველა უფლება დაცულია

© MANUTD.GE 2012

Top