თითქმის უკვე გადაწყვეტილია, რომ "ოლდ ტრაფორდზე" ამჟამად უკვე "მეთოფეების" ყოფილი ფეხბურთელი ალექსის სანჩესი ითამაშებს. "იუნაიტედი" სანჩესის ყიდვის შესახებ ოფიციალურ ინფორმაციას მალე გაავრცელებს.
აქამდე გავრცელებული ჭორების თანახმად "რეალის" პორტუგალიელ სუპერვარსკვლავს კრიშტიანუ რონალდუს "მანჩესტერში" დაბრუნება სურს. ფეხბურთელის მიმართ ინტერესს "წითლების" ბოსები ზაფხულში ნამდვილად იჩენდნენ, თუმცა ახლა სიტუაცია სრულიად განსხვავებულია.
როგორც ცნობილი გამოცემა Marca - წერს, "მანკუნიანელების" მთავარ მწვრთნელმა ჟოზე მოურინიომ რონალდუს დამატების აუცილებლობა გამორიცხა და მის შეძენას კლუბს აღარ ურჩევს, ეს გადაწყვეტილება კი მას შემდეგ იქნა მიღებული რაც სანჩესის გაფორმება იქნა მიღწეული "არსენალიდან".
"იუნაიტედი" სანჩესის დამატების შემდეგ ზამთრის სატრანსფერო ფანჯარაზე, სხვა ახალი ფეხბურთელის დამატებას აღარ გეგმავს. ასე და ამგვარად "იუნაიტედმა" პორტუგალიელისთვის კარები დახურა.