რამდენიმე დღის წინ, გავრცელდა ინფორმაცია, რომ ლონდონის ''არსენალი'' და ''მანჩესტერ იუნაიტედი'', შეთანხმდნენ და ისინი მხითარიანს და სანჩესს გაცვლიდნენ. არსენ ვენგერმა ეს დაადასტურა და განაცხადა, რომ ყველაფერი 48 საათში გადაწყდებოდა, თუმცა მოლაპარაკება გაიწელა და იგი დღესაც გრძელდება.

Sky Sports -ის ინფორმაციით ჯერ კლუბებს შეთანხმებისთვის არ მიუღწევიათ, მხითარიანის გარდა, ასევე არსენალი განიხილავს, ''ბორუსია დორტმუნდის'' ფორვარდის ობამეიანგის დამატებას.

მხითარიანი დღეს კარინგტონზე მივიდა, სადაც გუნდი ვარჯიშს ატარებს ხვალინდელი მატჩისთვის, რომელიც ბარნლისთან გაიმართება. ბრიტანული პრესის თანახმად სანჩესის გადმოსვლა ''იუნაიტედში'' დამოკიდებულია სომეხი ფეხბურთელის ნებაზე , სურს თუ არა შეუერთდეს ''არსენალს''. მხითარიანის აგენტმა მინო რაიოლამ Sky Sports News -თან ინტერვიუში დაადასტურა, რომ მოლაპარაკებები უკვე 6 კვირაა გრძელდება.

თავის მხრივ გვაქვს სრული უფლება, რომ ტრანსფერი მხოლოდ დროის საკითხად ჩავთვალოთ, რადგან არსენ ვენგერი არ ერიდება და არ უარყოფს, სანჩესის დიდი ალბათობით წასვლას ''იუნაიტედში''. მან დღეს განაცხადა, რომ ალექსისის წასვლა ვერ იქნება უფრო მტკივნეული, ვიდრე ვან პერსის წასვლა გუნდიდან. ვენგერის აზრით ნებისმიერი ფეხბურთელის ჩანაცვლება შესაძლებელია.

წყარო: www.skysports.com