"სტოკ სიტისთან" გამართულ შეხვედრაში, რომელიც "მანჩესტერ იუნაიტედმა" 0-3 მოიგო, პოლ პოგბამ ორი საგოლე გადაცემა მიითვალა. მიმდინარე სეზონში ფრანგი ფეხბურთელის ანგარიშზე სულ 9 საგოლე გადაცემაა, რითაც პრემიერ ლიგის საუკეთესო ასისტენტებში პირველ ადგილს კევინ დე ბრუინესთან და ლეროი სანესთან ერთად იკავებს.
აღსანიშნავია, რომ 24 წლის ფეხბურთელმა ამ მაჩვენებლის დაფიქსირება მხოლოდ 13 შეხვედრაში მოახერხა, რაც ხუთ საუკეთესო ჩემპიონატში საუკეთესო შედეგია. მეორე ადგილს ნეიმარი იკავებს, რომელმაც აღნიშნულ შედეგს 14 შეხვედრაში მიაღწია.
პოლ პოგბა - 9 საგოლე გადაცემა 13 მატჩში
ნეიმარი - 9 საგოლე გადაცემა 14 მატჩში
ფილიპ მაქსი - 9 საგოლე გადაცემა 18 მატჩში
პიონე სისტო - 9 საგოლე გადაცემა 19 მატჩში
ლეროი სანე - 9 საგოლე გადაცემა 21 მატჩში
აღსანიშნავია, რომ პოლ პოგბა უკვე 35 მატჩია, რაც პრემიერ ლიგაში წაუგებლად ასპარეზობს. "იუნაიტედის" მიერ პრემიერ ლიგაში გატანილი ბოლო ხუთი გოლიდან ფრანგმა ოთხში მიიღო მონაწილეობა.