ჰენრიხ მხითარიანის აგენტმა, მინო რაიოლამ ინგლისურ "თაიმსს" ინტერვიუ მისცა. როგორც მისი მონაყოლიდან ირკვევა, ყველაფერი სომეხ ფეხბურთელზეა დამოკიდებული, მას აქვს შემოთავაზება ლონდონის "არსენალისგან", რომელიც თავის მხრივ სომეხ ფეხბურთელს ალექსისის შემცვლელად მიიჩნევს. სწორედ მხითარიანია პრიორიტეტი ამ სატრანსფერო საგის.
რაიოლას განცხადებით, ჰენრიკს კონტრაქტით აქვს დარჩენილი კიდევ ორი წელი და ნახევარი სეზონი და ის რა თქმა უნდა განიხილავს "იუნაიტედში" დარჩენის ვარიანტს. როგორც ჩანს ტრანსფერის გაოფიციალურებას მართლაც ეს დეტალი აფერხებს, არსენალი ვერ აძლევს იმ ყოველ-კვირეულ ანაზღაურებას რასაც "იუნაიტედში" იღებს.
სანჩესის ამბავი კი თავიდან ბოლომდე გარკვეულია. შეთანხმების თანახმად "არსენალი" 30 მილიონს, სანჩესის აგენტი 5 მილიონს, თავად სანჩესი კი 350 000 სტერლინგს გამოიმუშავებს.
ურთულეს მდგომარეობაშია "არსენალი", რომელიც სანჩესის სახით გუნდის ლიდერს კარგავს, არაფერია ცნობილი იოზილის ტრანსფერზე, რომელიც ივნისის ბოლოს იწურება, "ევერტონის" სახით მყიდველი ყავს თეო ვოლკოტს, თურქული "ბეშიქთაში" განიხილავს დანი ველბეკის ვარიანტს, გუნდი უკვე დატოვა საყრდენმა ნახევარმცველმა კოკლენმა, რომელიც უკვე შეუერთდა "ვალენსიას" რიგებს.
რა თქმა უნდა ერთდროულად ამდენ ფეხბურთელთან გამომშვიდობება და მათი შემცვლელების მოყვანა რთული და დროში გაწელილი საქმეა. თავის დროზე, სწორედ სანჩესის შემცვლელად განხილული ლემარის უარი გახდა "მანჩესტერ სიტისთან" მოლაპარაკების ჩაშლის მიზეზი, რაც სანჩესის 60 მილიონ ფუნტად "სიტი" - ში გადასვლას გულისხმობდა.