''არსენალის'' მწვრთნელმა არსენ ვენგერმა, კომენტარი გააკეთა სანჩესის მომავალზე და ჟურნალისტებს განუცხადა, რომ მისი ბედი უახლოეს 48 საათში გადაწყდება. ალექსისი გუნდს ბორნმუთთან გასამართ შეხვედრაზე არ გაჰყვა. ''skysports.com'' ირწმუნება, რომ ''მანჩესტერ იუნაიტედი'' თავდაჯერებულია ჩილელის ტრანსფერში და იგი თითქმის გაფორმებული ჰყავთ.
''სანჩესი წავა დღეს ან ხვალ, ანუ უახლოეს 48 საათში, თუ ამ დროში ეს არ მოხდა და ის დარჩა, მისი ტრანსფერის შესახებ ჭორები სამუდამოდ დასრულდება და ის ჩვენთან იქნება. ალექსისი კარგად თამაშობს, თუმცა მას მძიმე პერიოდი უდგას. იგი აქამდე გუნდის ერთგული იყო. მისი მომავალი 48 საათში უნდა გადაწყდეს, ამიტომ არ წავიყვანე ის სათამაშოდ, მიზეზი ის არ ყოფილა, რომ მას თამაში არ სურდა.''
''sky in italy'' იუწყება, რომ არსენალი მის შემცვლელს ეძებს და უკვე იპოვნა, ბრაზილიელი ფორვარდის მალკომის სახით, ვენგერმა ამაზეც გააკეთა კომენტარი.
''თუ სანჩესი წავა, ჩვენ აუცილებლად გვჭირდება მისი შემცვლელი. წავა თუ არა ის? ეს არ ვიცი. მე დარწმუნებული ვარ, რომ მის შემცვლელს ამ სატრანსფერო ფანჯარაზე შევიძენთ.''-განაცხადა ვენგერმა.