დეკემბრის 23 რიცხვიდან მოყოლებული დაძაბული სათამაშო გრაფიკის შემდეგ, "იუნაიტედის" ხელმძღვანელობამ გადაწყვიტა დასვენება ვარჯიშისთვის შეეთავსებინა და იდეალური გამოსავალიც იპოვნა.
გუნდი რომლის შემადგენლობაშიც უკლებლივ ყველა ფეხბურთელი იყო, თვით მაიკლ კერიკის ჩათვლით, სრული დატვირთვით ითამაშა, თავისუფალ დროს კი დაისვენა და ძალები აღიდგინა. დუბაიში წასვლა "სტოკ სიტის" სათასო დაპირისპირებაზე იყო დამოკიდებული, რომელმაც დათმო მატჩი "ქოვენთრისთან", რამაც გაუხსნა გზა მოურინიოს გუნდს დუბაისკენ.
დღეს გამართულ პრესკონფერენციაზე "იუნაიტედის" თავკაცმა, დუბაის სავარჯიშო პირობებს და ამინდს იდეალური უწოდა. რასაც დუბაიში გადაღებული ფოტო ვიდეო მასალაც მოწმობს. გუნდის თვითმფრინავი უკვე წარმატებით დაეშვა "მანჩესტერის" აეროპორტში და შაბათს კიდევ ერთი სავარჯიშო სესიის გამართვას გეგმავს კარინგტონზე, "სტოკთან" გასამართი მატჩის წინ.
თავის მხრივ მარკ ჰიუზის განთავისუფლების შემდეგ, უმწვრთნელოდ დარჩენილი "სტოკი" ახლი მთავარი მწვრთნელის ძიებაშია. კანდიდატებს შორის შევხვდებით რაიან გიგზისა და კიკე სანჩეს ფლორესის გვარებს. თუმცა სავარაუდოდ რაიან გიგზი უელსის ეროვნულ ნაკრებს ჩაიბარებს.
"წითელ ეშმაკებთან" შესაძლოა შედგეს "სტოკის" ახალწვეულის, ავსტრიელი მცველის მორიც ბაუერის დებიუტი, რომელიც სულ რამდენიმე დღის წინ შეუერთდა ყაზანის რუბინიდან თავის ახალ გუნდს.
სტატიები
7 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.