გვარდიოლას თქმით ამ ეტაპზე კონცენტრაცია შემდეგ თამაშზე აქვს გადატანილი.
სატრანსფერო ცხელი დღეები დაწყებულია, ძირითადად პრესის ამჟამინდელი ყურადღება "მეთოფეების" ჩილელ ფეხბურთელზე ალექსის სანჩესზეა მიპყრობილი, რომლისთვისაც "მანჩესტერული" კლუბები "იუნაიტედი" და "სიტი" იბრძვიან.
აღნიშნული ტრანსფერის შესახებ "ქალაქელების" თავკაცმა პეპ გვარდიოლამ ისაუბრა და განაცხადა, რომ ფოკუსირებული მხოლოდ მომდევნო მატჩზეა, გვარდიოლას შემდეგი დაპირისპირება "ენფილდზე" "ლივერპულთან" ელის. შეგახსენებთ გავრცელდა ინფორმაციები თითქოს "იუნაიტედის" შეთავაზება არის სპეკულირება "არსენალის" მხრიდან, რომ "სიტიმ" ფეხბურთელის შესაძენად ფასი გაზარდოს.
გვარდიოლას მტკიცებით ის არ დაუშვებს, რომ სანჩესის ირგვლივ აგორებულ სპეკულაციებმა ხელი შეუშალოს "სიტის" ჩემპიონობისთვის ბრძოლაში. "ეტიჰედის" მესვეურები მზად არიან ფეხბურთელში 25 მილიონი ევრო გადაიხადონ, მათ არ სურთ ლოდინი ზაფხულამდე და სანჩესის გადაფორმებას ზამთარშივე ეცდებიან.
თუმცა "სიტის" მეტოქე "მანჩესტერ იუნაიტედი" გამოუჩნდა, რომელმაც ფეხბურთელის შესაძენად აღნიშნულ თანხაზე დამატებით გაზრდილი შეთავაზება გააკეთა.
ალექსისის შეძენა გვარდიოლას ფეხბურთელებმაც ისურვეს, კერძოდ დე ბრუინის აზრით სანჩესი გუნდისთვის შესანიშნავი შენაძენი იქნებოდა. თუმცა გვარდიოლა მოუწოდებს მათ, რომ ამ სატრანსფერო საგით არ დაინტერესდნენ, რამაც შესაძლოა კონცენტრაცია გააფანტინოს მათ.
წყარო:
dailystar