თუ Telegraph - ს დავუჯერებთ, ალექსის სანჩესის გარდა "მანჩესტერი" თავდამსხმელის ძიებაშია. საუბარია კერძოდ ჯეიმი ვარდიზე და ხავიერ ერნანდესზე.
როგორც გამომცემლობა იუწყება, "წითელ ეშმაკებს" სურთ ისეთი ფეხბურთელის დამატება, რომელიც რომელუ ლუკაკუს ჩაანაცვლებს საჭიროების შემთხვევაში. აქვე შეგახსენებთ, რომ ბელგიელმა ცენტრ ფორვარდმა იანვრამდე, პრემიერ ლიგის ყველა მატჩში მიიღო მონაწილეობა და პრაქტიკულად დასვენების საშუალება არ ეძლევა.
გასათვალისწინებელია ზლატანის ასაკი და მისი ჯამრთელობის პრობლემებიც, რომელიც არ აძლევს მას საშუალებას აღიდგინოს სათამაშო კონდიციები, ამიტომ მოურინიო იძულებელია კიდევ ერთი ფორვარდი დაიმატოს.
როგორც მოურინიო თავად იტყობინება, მისი პრიორიტეტი ალექსის სანჩესია ამ სატრანსფერო ფანჯარაზე, თუმცა თუ ჩილელის გადმოსვლა "ოლდ ტრაფორდზე" არ გამოვა, მაშინ მოურინიო მზად არის მეორე ვარიანტად 31 წლის ჯეიმი ვარდის კანდიდატურა განიხილოს.
ყველაზე მარტივი ვარიანტი კი 29 წლის მექსიკელი ჩიჩარიტოს დამატებაა, რომელიც როგორც ჩანს დევიდ მოისესის გეგმებში აღარ შედის და მზად არის განიხილოს შემოთავაზებები. "ვესტ ჰემის" ბოსები იმედს იტოვებენ, რომ 7.5 მილიონს მიიღებენ ჩიჩარიტოს ტრასფერით, როგორც ერთ დროს ეს თანხა "იუნაიტედმა" მიიღო, როდესაც ხავიერი "ლევერკუზენის ბაიერში" გაუშვა.
წყარო: manutd.ru
ახალი ამბები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.