დღეს სხვადასხვა წყაროებმა გაავრცელეს ინფორმაცია, რომ "მანჩესტერ იუნაიტედი" ალექსის სანჩესისთვის ბრძოლაში ჩაერთო და "არსენალს" 20 მილიონ ფუნტთან ერთად, მხითარიანიც შესთაავაზეს. თუმცა "მეთოფეებმა" ფსონი გაზარდეს და 35 მილიონ ფუნტთან ერთად სომეხი ნახევარმცველიც ისურვა.
აქამდე გავრცელებული ინფორმაციით, სანჩესს თითქმის გაფორმებული ჰქონდა კონტრაკტი "მანჩესტერ სიტისთან", სხვადასხვა გამოცემებში ხელფასიც კი დაიწერა, რაც კვირაში 250 000 ფუნტს შეადგენდა. მაგრამ როგორც ჩანს ჟოზე მოურინიომ გადაწყვიტა "სიტის" გაძლიერების საშუალება არ მისცეს და თავისმხირვ "მანჩესტერი" გააძლიეროს.
შეგახსენებთ, რომ "მანჩესტერ იუნაიტედი" და "სიტი" სანჩესის შესაძენად ჯერ კიდევ მაშინ იბრძოდნენ, როცა ის "უდინეზეში" თამაშობდა 2011წელს, ხოლო მეორედ მაშინ როცა მან 2014 წელს "არსენალი" აირჩია.
მიმდინარე სეზონში, პრემიერ ლიგაში ჩატარებული მატჩებიდან, სანჩესის პირად ანგარიშზე 7 გოლი და 3 საგოლე გადაცემაა. აქამდე გავრცელებული ჭორების თანახმად ჩილელი ფეხბურთელი მის ამჟამინდელ კლუბს დატოვებს, ვინაიდან მასსა და "არსენალის" მთავარ მწვრთნელ არსენ ვენგერს შორის არცთუ ისე სასიამოვნო ურთიერთობაა ჩამოყალიბებული.