ყველასთვის კარგად ცნობილი შვედი ფეხბურთელი, ზლატან იბრაჰიმოვიჩი "იუნაიტედში" გადაბარგებამდე, ფრანგული კლუბის "პარი სენ ჟერმენის" ღირსებას იცავდა, ამ კლუბში მან 4 სეზონი ჩაატარა და კლუბის ისტორიაში 133 გოლით ყველა დროის საუკეთესო მეგოლე გახდა.
ჟურნალისტებისთვის მიცემულ ინტერვიუში, იბრაჰიმოვიჩმა საფრანგეთში გატარებული წლები გაიხსენა, მან ასევე ფრანგი ხალხის და მას შორის მსგავსებაზე ისაუბრა და განაცხადა, რომ ისევე როგორც ფრანგები თვითონაც ქედმაღალი ადამიანია.
"საფრანგეთში თქვენი დამოკიდებულებების გამო ჩემს მიმართ, პრობლემები მქონდა. (ზლატანი პრესას გულისხმობს). თქვენ მე ქედმაღალ ადამიანად მთვლიდით,მაშინ როდესაც ხაზი უნდა გავუსვათ იმას, რომ ფრანგი ხალხი ყველაზე ქედმაღლები არიან. აქედან გამომდინარე მინდა გითხრათ, რომ მე სწორედ ისეთი ვარ როგორიც თქვენ ხართ, უნდა გიყვარდეთ ზლატანი, რადგან მე სრულყოფილად წარმოვადგენ საფრანგეთს მთელ მსოფლიოში".- განაცხადა დასასრულს იუმორისტული ფრაზებით იბრაჰიმოვიჩმა ფრანგულ ტელეარხ Canal+ - ის ეთერში.