სამი დღის წინ - საუკეთესო მამაკაცის როლისთვის დრამის კატეგორიაში, "იუნაიტედის" ცნობილი გულშემატკივარი გარი ოლდმენი იყო ნომინირებული, რომელსაც ოქროს გლობუსი, ლეგენდარული უინსტონ ჩერჩილის როლის შესრულებისთვის ერგო.

პარასკევს გამართულ ასოციაციის თასის შეხვედრაში, სადაც "ოლდ ტრაფორდზე" "იუნაიტედი" "დერბის" დაუპირისპირდა და მოწინააღმდეგე დამაჯერებლად 2-0 დაამარცხა, ოლდმენი საყვარელი გუნდის საგულშემატკივროდ ტრიბუნებზე იმყოფებოდა, ორი დღის შემდეგ კი მსახიობმა, სასტუმრო ბევერლი-ჰილტონში გამართულ დაჯილდოებაზე, აღნიშნული ჯილდო დამსახურებულად მიიღო. გარიმ ცნობილი ისტორიული პიროვნება უინსტონ ჩერჩილი ფილმში "ბნელი დრო" განასახიერა.

ოლდმენი, ლონდონში 1958 წელს დაიბადა, "მანჩესტერის" გულშემატკივარი ის ბავშვობიდან გახლავთ. გასულ წინა სასეზონო ტურნეზე, როდესაც მოურინიოს გუნდი ლოს-ანჯელესში იმყოფებოდა, მსახიობი სავარჯიშო ბაზაზე მივიდა და საყვარელი გუნდის ფეხბურთელები მოინახულა, მასთან ერთად "იუნაიტედის" კიდევ ერთი ცნობილი გულშემატკივარი დომინიკ მონაჰენიც იმყოფებოდა.

"მანჩესტერ იუნაიტედი" ულოცავს ამ დიდებულ გამარჯვებას გარი ოლდმენს. წერია კლუბის ოფიციალურ საიტზე.







წყარო: manutd.ru