გარკვეული დონის დილემა არის შექმნილი, "იუნაიტედის" ბელგიელ ფეხბურთელ მარუან ფელაინისა და კლუბს შორის. ვინაიდან წითლების 27- ნომერს, ვერ გადაუწყვეტია დარჩეს თუ წავიდეს გუნდიდან. ადრე გავრცელებული ჭორების თანახმად, მარუანს ახალი კონტრაქტის პირობები არ აკმაყოფილებდა და კარიერის სხვა გუნდში გაგრძელება სურდა, თუმცა როგორც ცნობილი ტელეარხი Sky Sports - იუწყება, "ოლდ ტრფორდის" მესვეურებსა და ფელაინის შორის, ახალ კონტრაქტზე მოლაპარაკებები ჯერ კიდევ მიმდინარეობს და გადაწყვეტილი ამ ეტაპზე არაფერია.

სამშაბათს, დილით გავრცელებული ცნობებიდან გამომდინარე, ფეხბურთელმა თავისი გადაწყვეტილების გუნდიდან წასვლის შესახებ, "წითლების" მენტორს ჟოზე მოურინიოს უკვე აცნობა, თუმცა ზემოხსენებულ ტელეკანლს თუ დავუჯერებთ არაფერი მსგავსი არ მომხდარა და ყველაფერი ჯერკიდევ არ დამთავრებულა. მარუანი ფიქრობს.

მიმდინარე კონტრაქტი ბელგიელს "მანჩესტერთან" სეზონის დასასრულამდე აკავშირებს, აქედან გამომდინარე მას უფლება მიეცა იანვარშივე დაეწყო მოლაპარაკებები სხვა კლუბებთან, მას აქტიურად უკავშირებდნენ არაინგლისურ კლუბებს, თუმცა როგორც ჩანს ყველაფერი ჯერ კიდევ გაურკვევლად რჩება. მისი გადაბირებით აქტიურად ინტერესდებიან თურქული კლუბები "ბეშიქთაში" და "გალათასარაი", იწერებოდა ასევე ჩინეთის სუპერლიგაში გადაბარგების საკითხზე.

შეგახსენებთ, მარუანი 25 ნოემბერს დაშავდა და მას შემდეგ მოედანზე დაბრუნებას ვერ ახერხებდა, თუმცა სულ ცოტა ხნის წინ შეძლო და ტრავმის შემდეგ გამოჩნდა, მან ინგლისის ასოციაციის თასის შეხვედრაში "დერბის" წინააღმდეგ იასპარეზა.




წყარო: manutd.ru