ანტონიო ვალენსია მზად არის, "მანჩესტერ იუნაიტედს" ორშაბათს "სტოკ სიტისთან" მატჩში დაუბრუნდეს და სამზე მეტი კვირის განმავლობაში უქმობის შემდეგ პირველი მატჩი ჩაატაროს.
ეკვადორელმა ფეხბურთელმა დუბაიში გუნდთან ერთად უკვე ივარჯიშა და არც დღევანდელი და ხვალინდელი სესიების გამოტოვებას აპირებს.
ვალენსიას 17 დეკემბერს "ვესტ ბრომთან" მოგებული მატჩის შემდეგ არ უთამაშია, ახლა კი კვლავ ხელმისაწვდომია.
ანტონიოსთან ერთად კი გუნდს დაუბრუნდა მაიკლ კერიკიც, რომელმაც გასულ წელს გულზე სამკურნალო პროცედურები ჩაიტარა და უახლოვდება მოედანზე კვლავ გასვლას.