ლეონ ბაილი "იუნაიტედის" სამიზნეა.
"ჩელსი", "არსენალი" და "მანჩესტერ იუნაიტედი" ლეონ ბაილისთვის ზაფხულის სატრანსფერო ფანჯარაზე იბრძოლებენ.
პრემიერ ლიგის ტრიო ლევერკუზენის "ბაიერის" საოცარი ვინგერით დაინტერესდა და მას მთელი მიმდინარე სეზონის განმავლობაში ადევნებენ თვალს.
გერმანული კლუბი ნებისმიერ ფასად ეცდება, გარემარბი იანვარში შეინარჩუნოს, ზაფხულს კი დიდძალი თანხის ოდენობით სარფიანი წინადადებები განიხილოს.
ბაილის ამჟამინდელი მზარდი საფასური 40 მლნ. ფუნტს შეადგენს.
20 წლის იამაიკელ ფეხბურთელს გარკვეული დრო დასჭირდა, სანამ გასული წლის იანვარს ბელგიური "გენკიდან" "ბაიერში" გადასვლის შემდეგ ბუნდესლიგაში თავს დაიმკვიდრებდა.
მაგრამ 12.4 მლნ. ფუნტად შეძენილმა ფეხბურთელმა მოახერხა და იმდენად სტაბილურად ათამაშდა, რომ ახლა თავისი თავბრუდამხვევი მოძრაობებით, სისწრაფითა და ძლიერი დარტყმით ჩემპიონთა ლიგის საგზურისთვის მებრძოლი "ლევერკუზენის" ერთ-ერთ ყველაზე სახიფათო ფეხბურთელს წარმოადგენს.
ბუნდესლიგის მეოთხეადგილოსანი გუნდის რიგებში ჩატარებულ 16 მატჩში მან 8 გოლი გაიტანა და რამდენიმე საგოლე გადაცემაც გააკეთა.
"ჩელსი" ჯერ კიდევ იმ დროიდან ცდილობს ფეხბურთელის შეძენას, როცა ბაილი "გენკში" ირიცხებოდა, მაგრამ 15 წლის ასაკშიც კი ვერ მოახერხა მისი შეძენა, გასულ თვეში კი გერმანულმა კლუბმა არ მიიღო 22 მლნ. ფუნტის ოდენობით გაკეთებული შეთავაზება.
ახლა კი ლონდონელები გაცილებით დიდ წინააღმდეგობას წააწყდებიან, როცა საქმეში სეზონის ბოლოს "არსენალი" და "იუნაიტედიც" ჩაერთვებიან.
წყარო:
mirror