მალკომი ჯერჯერობით მხოლოდ პოტენციურ სამიზნეს წარმოადგენს.
"მანჩესტერ იუნაიტედს" ჯერჯერობით არ დაუწყია მოლაპარაკებების გამართვა "ბორდოს" ნახევარმცველის, მალკომის თაობაზე.
ორი წლის წინ "კორინთიანსიდან" "ბორდოში" გადასულმა მალკომმა ლიგა 1-ის ამომავალ ვარსკვლავად წარმოაჩინა თავი. 20 წლის ბრაზილიელის მიმართ ინტერესს საფრანგეთის საზღვრებს გარეთ მოასპარეზე გუნდებიც იჩენენ.
მიუხედავად იმისა, რომ "ბორდოს" ჩემპიონატში მე-15 ადგილი უჭირავს, მალკომი უბრალოდ შესანიშნავად ასპარეზობს მიმდინარე სეზონში - შვიდი გოლი და ოთხი საგოლე გადაცემა. ჭორების თანახმად, ახალგაზრდა ფეხბურთელისადმი განსაკუთრებულ ინტერესს პრემიერ ლიგის კლუბები იჩენენ, რომელთა შორისაა "იუნაიტედიც".
რამდენიმე დღის წინ კი ამ ჭორებს თავად მალკომმაც მისცა განვითარების საშუალება, რამეთუ სოციალურ ქსელში გაავრცელა ინფორმაცია, რომ ინგლისურ ენას სწავლობს.
ფეხბურთელთან დაახლოებულმა წყარომ ბრიტანული მედიის წარმომადგენლებს აცნობა, რომ "იუნაიტედის" მთავარ მწვრთნელ ჟოზე მოურინიოს მართლაც მოსწონს მალკომის თამაში, მაგრამ ჯერჯერობით არავითარი კონკრეტული შეთავაზება არ გაუკეთებია.
ამავე წყაროს ცნობით, მალკომის თაობაზე მოლაპარაკებებს ამჟამად ორი კლუბი აწარმოებს, თუმცა მათ სახელებს არ ამხელს, მაგრამ ამტკიცებს, რომ "იუნაიტედი" მათ შორის არ არის.
წყარო:
M.E.N.