პარასკევს "სთიილ სითისთან" დერბიმდე "შეფილდ იუნაიტედს" კიდევ ორი ფეხბურთელის შეძენის იმედი აქვს, მათგან ერთ-ერთთან, "სანდერლენდის" ფეხბურთელ რაიან ლეონარდთან კი პირადი კონტრაქტი უკვე შეთანხმებულია, რასაც გუნდის მთავარი მწვრთნელი ადასტურებს.

მიუხედავად იმისა, რომ მწვრთნელი კრის უაილდერი არაფერს ამბობს იმ ფეხბურთელთა ვინაობაზე, რომლებიც მის სიაში არიან, ცნობილია, რომ "შეფილდის" უმთავრეს სამიზნეს "მანჩესტერ იუნაიტედის" ფორვარდი ჯეიმს უილსონი და "ვულვერჰემპტონ უონდერერსის" ნახევარმცველი ლი ევანსი წარმოადგენენ.

"დარწმუნებული ვარ, რომ ამ კვირაში კიდევ ორ ფეხბურთელს შევიძენთ, მოხარულები ვართ, რომ ლეონარდი ჩვენს გუნდს შემოუერთდა და გაგვაძლიერებს. იმედია, კიდევ ორ ან სამ ფეხბურთელს გადმოვიბირებთ და შემადგენლობაში ფეხბურთელთა შერჩევის თავის ტკივილი მექნება" - განაცხადა უაილდერი.

"შეფილდ იუნაიტედი" "შეფილდ უენსდისთან" მატჩს მეშვიდე ადგილზე მყოფი ხვდება და მეექვსე ადგილზე მყოფ "ლიდსს" მხოლოდ 1 ქულით ჩამორჩება.

ლეონარდში გადახდილი 700000 ფუნტის შემდეგ უაილდერს იმედი აქვს, რომ 22 წლის უილსონსაც გადაიბირებს, რაც, რა თქმა უნდა, გაცილებით ძვირი დაუჯდება.

წყარო: thestar