დიდებულ შვედს იტალიელი ფორვარდი ჩაანაცვლებს.
მოგეხსენებათ, "იუნაიტედის" თავდამსხმელი ზლატან იბრაჰიმოვიჩი, ახლოსაა თავისი "მანჩესტერული" კარიერის დასრულებასთან. სავარაუდოდ ეს სეზონის დასასრულს მოხდება. "იუნაიტედში" თვლიან, რომ მისი შემცვლელის ძიება აქედანვე საჭიროა.
რაც შეეხება შემცვლელთა სიას, ცნობილია, რომ "წითლებისთვის" ყველაზე სასურველი ფორვარდი, ახალგაზრდა ნიჭიერი იტალიელი თავდამსხმელი ანდრეა ბელოტია. ბელოტი სერია ა - ში ასპარეზობს, ის "ტორინოს" ღირსებას იცავს. 24 - წლის ფეხბურთელის გარდა "წითლები" სხვა ვარიანტებსაც განიხილავენ, თუმცა ბელოტი ამ ეტაპზე პირველია.
36 - წლის იბრაჰიმოვიჩი დიდხნიანი პაუზის შემდეგ დაუბრუნდა წითლების რიგებს. თუმცა როგორც ჩანს მას ეს ტრავმა თავს ისევ ახსენებს და შვედმა რამოდენიმე ჩატარებული მატჩის შემდეგ მცირე დაზიანება ადრე უკვე ტრავმირებულ მუხლზე ისევ მიიღო, რის შედეგადაც მას ერთი თვის გაცდენა მოუწევს.
ზლატანის მიმდინარე ხელშეკრულება ივნისის ბოლომდეა გათვლილი, გავრცელებული ჭორების თანახმად, დიდებულ შვედ ფეხბურთელს ჩინეთში და ამერიკაში სათამაშოდ ეპატიჟებიან. Yahoo Sport- ის თანახმად, "იუნაიტედი" ნამდვილად გეგმავს შვედი ფეხბურთელის კონტრაქტის ამოწურვის შემდეგ მის გასხვისებას.
მიმდინარე სეზონში ბელოტის ანგარიშზე 4 გოლი და 1 საგოლე გადაცემაა, თუმცა უნდა აღინიშნოს ისიც, რომ ანდრეას გარკვეული პერიოდი გაუცდა ტრავმის გამო, ამჟამად ბელოტი ისევ ლაზარეთში რჩება.
წყარო:
metro