უელსის საფეხბურთო ფედერაცია კრის კოულმენის შემცვლელის ძიებაში შეფერხებების ქონის ფონზე რაიან გიგზის გადაბირების შანსს უშვებს ხელიდან.
უელსელებმა კოულმენი 17 ნოემბერს დაითხოვეს სამსახურიდან, რისი მიზეზიც მსოფლიო ჩემპიონატზე მოხვედრის მისიის ჩაგება გამოდგა.
ეროვნულ ნაკრებში მიაჩნდათ, რომ 2016 წლის ევროპის ჩემპიონატის გმირ მწვრთნელს წარუმატებლობის შემდეგაც კი შეუნარჩუნებდნენ პოსტს, მაგრამ ასე არ მოხდა და მთავარი მწვრთნელის მოძებნაზე პასუხისმგებელმა პირებმა მხოლოდ დღესასწაულების შემდეგ დაიწყეს ფორმალური ინტერვიუების აღება.
სავარაუდო კანდიდატებად რაიან გიგზი, კრეიგ ბელემი და კოულმენის ყოფილი ასისტენტი ოსიენ რობერტსი მოიაზრებოდნენ.
ახლა კი გიგზი პრემიერ ლიგის აუთსაიდერის, "სტოკ სიტის" სამიზნე გახდა, რათა მარკ ჰიუზის წასვლის შემდეგ ვაკანტურად დარჩენილი ადგილი შეავსოს, ამ წინადადების მიღების შემთხვევაში კი საეჭვოა, გიგზმა პარალელურად ნაკრების მწვრთნელის როლიც შეითავსოს, მიუხედავად იმისა, რომ უელსელები მარტამდე არ ჩაატარებენ მატჩს.
უელსის საფეხბურთო ფედერაცია სულაც არ ჩქარობს მწვრთნელის დანიშვნას, რადგან ამ გზით ბიუჯეტში თანხა იზოგება, რომელიც გუნდის თავკაცისთვის უნდა გადაეხადათ.
რაც შეეხება "სტოკს", ამ გუნდს შველა ნამდვილად სჭირდება და აქ ყველაფერი სერიოზულადაა. თუკი "მეთუნუქეები" დროულად მოეკიდებიან საქმეს, შესაძლოა, გიგზის დებიუტი მწვრთნელის რანგში 15 იანვარს "ოლდ ტრაფორდზე" ვიხილოთ.
ახალი ამბები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.