"იუნაიტედი" "ბორდოსთან" მოლაპარაკებებს აწარმოებს.
ზამთრის მიმდინარე სატრანსფერო ფანჯარაზე, "იუნაიტედის" ერთ-ერთი მთავარი სამიზნე ფრანგული "ბორდოს" ბრაზილიელი თავდამსხმელი მალკომია. როგორც ჩანს, "წითლებს" ფეხბურთელის კიდევ ერთი მსურველი გუნდის ჩამოშორება მოუწევთ, რადგან შეთავაზებას პრემიერ ლიგის კიდევ ერთი გუნდი "ტოტენჰემი" ამზადებს. თავად ფეხბურთელმა კი გავრცელებული ინფორმაციის თანახმად, ინგლისური ენის სწავლა უკვე დაიწყო.
"იუნაიტედს" ახალგაზრდა ვინგერის დამატება ძალიან სურს, თუმცა მასში არცთუ ისე მცირე თანხის 45 მილიონი ევროს გადახდა მოუწევს, სწორედ ამ ფასის სანაცვლოდ დათმობს ფრანგული გუნდი ტალანტურ ფეხბურთელს. თავად მალკომიც არ არის წინააღმდეგი კლუბის გამოცვლის და კარიერის ინგლისში გაგრძელების.
"იუნაიტედის" მთავარი მწვრთნელი ჟოზე მოურინიო მოხარულია იმით, რომ 20 წლის ფეხბურთელმა ინგლისური ენის სწავლა უკვე დაიწყო, რაც იმაზე მიასწავლებს, რომ შესაძლოა მალკომი "ოლდ ტრაფორდზე" იხილოს "მანჩესტერის" გულშემატკივარმა.
გასულ შაბათს, ბრაზილიელმა მის ინსტაგრამ გვერდზე გამოაქვეყნა კადრები, სადაც ის უვე აქტიურად შეუდგა ინგლისური ენის სწავლას. ლიგა 1 - ის მიმდინარე სეზონში, მალკომის ანგარიშზე ყველა ჩატარებული შეხვედრიდან 7 გოლი და 4 საგოლე გადაცემა ფიქსირდება.
წყარო:
Thesun