"წითლებმა" კონტრაქტში არსებული პუნქტები გააქტიურეს.
"იუნაიტედმა" ახალ კონტრაქტებზე ფიქრი უკვე დაიწყო. კლუბმა ოთხ ფეხბურთელს, კონტრაქტებში არსებული მუხლი, რომელიც ხელშეკრულების ავტომატურ გაგრძელებას მოითხოვს, გააქტიურა და ხუან მატას, დეილი ბლინდს, ანდერ ერერასა და ეშლი იანგს, ხელშეკრულებები განუახლა.
აღნიშნულ ფეხბურთელებს, მომავალ ზაფხულში თავისუფალი აგენტის სტატუსით შეეძლოთ სხვა გუნდის პოვნა, თუმცა ამჯერად კონტრაქტები 2019 წლის ზაფხულამდე გახანგრძლივდა.
როგორც უკვე ცნობილია, ჟოზე მოურინიოს ჯერ კიდევ არ გადაუწყვეტია ამ ოთხი ფეხბურთელის მომავალი, დარჩებიან თუ არა ისინი გუნდში აღნიშნულ დრომდე. ასევე უცნობია ლუკ შოუს ბედი, რომლის კონტრაქტიც ერთი წლით უკვე გახანგრძლივებულია.
პორტუგალიელმა საბოლოო გადაწყვეტილების მისაღებად დრო მოითხოვა, საბოლოოდ სწორედ ჟოზემ უნდა გადაწყვიტოს ვინ დატოვებს სამომავლოდ კლუბს და ვინ დარჩება.
რაც შეეხება თავისუფალი აგენტის სტატუსს, ამ სტატუსის მატარებელი მხოლოდ მარუან ფელაინი გახდება მომავალ ზაფხულს, რომელმაც შემოდგომაზე გუნდის მხრიდან შემოთავაზებულ ახალ კონტრაქტს ხელი არ მოაწერა.
წყარო:
manutd.ru