როგორც მოგეხსენებათ, მძიმე ტრავმის შემდეგ "იუნაიტედის" შვედი თავდამსხმელი ჯერჯერობით, ოპტიმალური ფორმის დაბრუნებას ვერ ახერხებს. მეტიც, ამ ეტაპზე იბრაჰიმოვიჩი ტრავმირებულია და როგორც ირკვევა ერთი თვის გაცდენა კვლავ მოუწევს.

იბრაჰიმოვიჩის ამ მდგომარეობას, გარკვეული გამოხმაურება მოჰყვა შვედურ მედიაში. როგორც ირკვევა, ზლატანი თავისი ქვეყნის მედიით უკმაყოფილოა, რომელთაც ფეხბურთელის არსებული მდგომარეობა "იუნაიტედში" თავისებურად შეაფასეს. აღნიშნულის შესახებ კომენტარი თავად ფეხბურთელმა გააკეთა.

"შვედური მედია მიცავს თუ თავდასხმას ანხორციელებს ჩემზე? ისინი თავს მესხმიან, რადგან ეტყობა მათ არ შეუძლიათ იმის აღქმა, რომ მე ზლატან იბრაჰიმოვიჩი ვარ. მე, რა თქმა უნდა, ჩემი ქვეყნის ისტორიაში საუკეთესო ფეხბურთელი ვარ. რისი გაკეთებაც მე შევძელი, სავარაუდოდ, ამას ვერავინ ვერ შეძლებს.

ჩემმა მოწინააღმდეგეებმა, შვედეთის ოქროს ბურთის გამოკითხვაში ორჯერ დამიჭირეს მხარი. მე მაქვს მოპოვებული 11 მნიშვნელოვანი ჯილდო. არავის არ გაუკეთებია შვედეთის საფეხბურთო ისტორიაში იმდენი რამ, რაც მე შევძელი და გავაკეთე".- განაცხადა Canal Plus- ის პირდაპირ ეთერში ზლატანმა.

დიდხნიანი პაუზის შემდეგ, იბრაჰიმოვიჩმა "წითელი ეშმაკების" რიგებში გოლის გატანა ისევ შეძლო. კერძოდ, მან თავი ინგლისის ლიგის თასის შეხვედრაში "ბრისტოლის" წინააღმდეგ გამოიჩინა.

წყარო: euro-football.ru