2018 წლის პირველი ტური გაიმართა ინგლისის ჩემპიონატში. პრემიერ ლიგის რიგით 22 ტური გამარჯვების მომტანი აღმოჩნდა "წითელი ეშმაკებისთვის" რომელთაც თავის მხრივ ახალი წელი გამარჯვებით აღნიშნეს. დაპირისპირება "გუდისონ პრარკზე" "ევერტონსა" და "იუნაიტედს" შორის სტუმართა დამაჯერებელი გამარჯვებით 0-2 დასრულდა.
"წითლებს" გარკვეული საკადრო პრობლემები ქონდათ, "იუნაიტედის" ლაზარეთს ბელგიელი თავდამსხმელი რომელუ ლუკაკუც შეემატა. ეს მატჩი განსხვავებულად საპასუხისმგებლო აღმოჩნდა "წითელი ეშმაკების" ფრანგი ნახევარმცველისთვის პოლ პოგბასთვის, რომელიც გუნდის მთავარი კაპიტნის, მაიკლ კერიკისა და ახლა უკვე მოქმედი კაპიტნის ანტონიო ვალენსიას არყოფნის დროს, რიგით მეოთხე მატჩია კაპიტნის სამკლაურით გაუძღვა გუნდს მოედანზე. შეხვედრის დასრულების შემდეგ პოლმა საკუთარი გუნდის თამაში შეაფასა.
"წლის პირველი მატჩი, კარგად დავიწყეთ და დამაჯერებლად 0-2 გავიმარჯვეთ, ეს კარგია. ჩვენ გვქონდა კარგი შანსები, ვმოქმედებდით აგრესიულად, პოზიტიური მოქმედებებით შევქმენით ბევრი მომენტი. დაცვის ხაზმაც შესანიშნავად იმოქმედა, ვფიქრობ დასახული გეგმა სწორად შევასრულეთ.
შესვენების დროს ვისაუბრეთ იმაზე, რომ ჩვენ შეგვეძლო ამ შეხვედრაში გოლების გატანა, რაც მეორე ტაიმში სიცხადეში მოვიყვანეთ. ჩვენ გვჯერა საკუთარი შესაძლებლობების, საჭიროა უბრლოდ გამოღვიძება, ჩვენ დღეს ეს შესანიშნავად გავაკეთეთ.
ვფიქრობ, რომ ასევე დავიმსახურეთ მოგება "ლესტერთან" და "საუთჰემპტონთან", თუმცა რას იზამ ეს ფეხბურთია. დღეს ჩვენი თავები ბოლომდე ვირწმუნეთ, მოედანზე გავაკეთეთ ყველაფერი, რისი გაკეთებაც შეიძლებოდა".- განაცხადა დასასრულს პოგბამ.