"მანჩესტერ იუნაიტედის" მარჯვენა მცველის, მატეო დარმიანის აგენტის განცხადებით, კლუბი არ აპირებს მისი კლიენტის გაშვებას მიმდინარე სატრანსფერო პერიოდში.
ცხადია ჟოზე მოურინიო არ ენდობა იტალიის ნაკრების მცველს, რომელიც მაყურებელმა ბოლოს "იუნაიტედის" სასტარტოში 12 შეხვედრის წინ იხილა.
ჯერ კიდევ სეზონის სტარტზე იწერებოდა ჭორები მატეოს სამშობლოში დაბრუნებასთან დაკავშირებით, რომელშიც ხშირად ფიგურირებდა რომაული გრანდი, თუმცა ფეხბურთელის აგენტის, ტულიო ტინტის მტკიცებით, "იუნაიტედი" არ აპირებს მატეო დარმიანის გაშვებას მინიმუმ სეზონის დასრულებმდე.
"მე არ მიმიღია ზარები "ჯალოროსოსგან". იყო რამოდენიმე შემოთავაზება სერია ა -ს კლუბებიდან, თუმცა ამ ეტაპზე მატეო არ იყიდება." - განაცხადა აგენტმა "Reაte Sports"-თან ინტერვიუში.
აქვე დავამატებთ, რომ ჟოზე მოურინიოს ამ ეტაპზე არ შეუძლია მატეო დარმიანის გასხვისება, რამეთუ კლუბის მარჯვენა მცველი, ანტონიო ვალენსია ტრამვირებულია, ხოლო ეშლი იანგი ამ თვეში ვერ შეძლებს მინდორზე გასვლას დისკვალიფიკაციის გამო.