"ვფიქრობ ერთადერთი რასაც სქოულზი აკეთებს ეს კრიტიკაა. მე არ ვფიქრობ, რომ ის უბრალოდ არათუ კარგ ან ცუდ კომენტარს აკეთებს, ის უბრალოდ აკრიტიკებს, ეს კი სხვადასხვა რამეა. თუმცა მინდა გითხრათ, რომ ისეთი ფენომენალური ფეხბურთელი როგორიც ის იყო, ჩვენ ამჟამინდელ გუნდში არ გვყავს. ის განსაკუთრებული ფეხბურთელი იყო, თუმცა ეს იმას არ ნიშნავს, რომ ჩვენ ყველა განსაკუთრებული ფეხბურთელი უნდა გვყავდეს გუნდში.
პოგბა არის ფეხბურთელი, რომელიც მაქსიმალურად ცდილობს დაიხარჯოს ბოლომდე და გამოავლინოს საკუთარი შესაძლებლობები. ზოგჯერ ის ძალიან კარგად თამაშობს, ზოგჯერ უბრალოდ კარგად თამაშობს, ხდება ისეც, რომ ის არადამაკმაყოფილებელია მოედანზე.
მას არუნდა ვუყუროთ ისე როგორც ეს მასში გადახდილი ფულია, ამხელა თანხის მასში გადახდა მისი ბრალი არ არის, ფასების ასეთი ზრდა თანამედროვე ფეხბურთმა მოიტანა. საერთო ჯამში ვფიქრობ, რომ სქოულზი ყოველთვის გამორჩეული ფეხბურთელი იყო, თუმცა ის არ არის გამორჩეული საფეხბურთო ექსპერტი. ასე, რომ მე მირჩევნია ის აღვიქვა როგორც დიდებული ფეხბურთელი, რომელმაც საკუთარი გუნდისთვის ბევრი რამ გააკეთა, იმ გუნდისთვის რომელსაც ახლა მე წარმოვადგენ, რომლისთვისაც ძალისხმევას არ დავიშურებ არცერთი დღე.
თუ სქოულზი ერთხელაც გადაწყვიტავს გახდეს მწვრთნელი, მე მას ვუსურვებ მიაღწიოს იმ გამარჯვებების თუნდაც 25 % რასაც მე მივაღწიე, რადგან ეს ნიშნავს 6 დიდ ტურნირში გამარჯვებას, ვფიქრობ ეს მისთვის შესანიშნავი მიღწევა იქნება. ვფიქრობ ჩემი ტიტულების მეოთხედი მოგებით სქოულზი ძალიან კმაყოფილი იქნებოდა.
პირადად ჩემთვის პოლ სქოულზი ფენომენალური ფეხბურთელი იყო, ერთ-ერთი საკეთესო ნახევარმცველი რომელიც მე ჩემი ცხოვრების მანძილზე მინახავს, მან ძალიან ბევრი მისცა მის ყოფილ კლუბს და განაგრძობს ამის კეთებას ჩემი გუნდისთვის დღემდე. მე მინდა მადლობა გადავუხადო მას, რადგან კლუბის პრესტიჟი სწორედ ასეთ წარმატებულ ფეხბურთელებს ეფუძნება, რომელთაც დიდ წარმატებას სწორედ ამ გუნდში მიაღწიეს.
კითხვაზე, იმედგაცრუებული იყო თუ არა "იუნაიტედის" ყოფილი ფეხბურთელების შეფასებებით რომლებიც სხვადასხვა მედიაში მუშაობენ დღეისდღეობით, მოურინიომ ასე უპასუხა: "ვფიქრობ, რომ თითოეულ მათგანს ისევ კლუბში სურს ყოფნა, ეს კი პრობლემას წარმოადგენს ჩემთვის, რადგან მე არ შემიძლია გადაწყვეტილებების ამ მხრივ მიღება".- განაცხადა დასასრულს განსაკუთრებულმა.