"იუნაიტედმა" ახალი 2018 წელი მოგებით დაიწყო. "წითლებმა" "გუდისონ პარკზე" შესანიშნავი თამაში აჩვენეს და მოწინააღმდეგე "ევერტონი", ანგარიშით 0-2 დაამარცხეს. შედეგად, მოურინიოს გუნდმა სატურნირო ცხრილის მეორე ადგილი დაიბრუნა. მატჩის შემდგომ, ტრადიციულად პრესკონფერენცია "წითელი ეშმაკების" დამრიგებელმა ჟოზე მოურინიომ გამართა და ჟურნალისტების შეკითხვებს უპასუხა.
გუნდი არ გამოიყურებოდა დაღლილად
"ბიჭებმა გამარჯვება დაიმსახურეს. მე კვლავ დავიწყებ იმის მტკიცებას, რომ გასული შეხვედრები რომელიც გუნდმა ფრედ დაასრულა, არ ყოფილა ჩვენი ცუდი თამაშის ბრალი. რადგან, იმ მატჩებშიც ვიმსახურებდით გამარჯვებას. თუმცა ჩვენ დავუშვით რამოდენიმე შეცდომა, რის გამოც უფრო გავირთულეთ ცხოვრება. საბოლოო ჯამში, ჩემ ბიჭები ცდილობდნენ მატჩებში საკუთარი თავის ბოლომდე წარმოჩენას, ისევე როგორც ეს დღევანდელ მატჩში შეძლეს. ჩვენ არ ვგავართ გუნდს, რომელმაც მძიმე დაძაბული გრაფიკი მიიღო. გუნდი ახალი ენერგიით სავსე შემადგენლობას გავს.
თამაშზე კონტროლის მოპოვება
"ევერტონი" პირველ ტაიმში ცუდად არ გამოიყურებოდა, მათ ასევე რეაგირება მოახდინეს, მეორე ტაიმში ჩვენ მიერ გატანილ პირველ გოლზე, ისინი ასევე ცდილობდნენ შეეტიათ ყოველ 5-8 წუთში ერთხელ, თუმცა საბოლოო ჯამში ყველაფერი ჩვენი კონტროლის ქვეშ მიმდინარეობდა. ვფლობდით ბურთს, ხშირად გადაგვქონდა იგი შეტევაში, გუნდში ცვლილებები მომიწია, რადგან არ გვყავდა ლუკაკუ. ჩვენ ვცადეთ გვეთამაშა სხვაგვარად და მე ძალიან გახარებული ვარ ამ გამომუშავებული ქულებით.
სტადიონზე შექმნილი ატმოსფერო
ბიჭებმა ფანტასტიკურად ითამაშეს, დამოკიდებულება, პასუხისმგებლობა, პროფესიონალიზმის განცდა - ყველაფერი უმაღლეს დონეზე იყო. ეს იყო მაღალი კლასის და პროფესიონალურად შესრულებული თამაში. ჩვენი მასპინძლების მხარდაჭერებმა მართლაც შესანიშნავი ატმოსფერო შექმნეს, მათ შეძლეს ამ მშვენიერი სტადიონის გაცოცხლება ისინი მათ გუნდს შესანიშნავად უჭერდნენ მხარს. ჩვენ შევძელით გატანილი გოლებით ტრიბუნებზე მათი რიტმის დაგდება. შესანიშნავი გოლები გავიტანეთ ასე, რომ ვფიქრობ მოპოვებული სამი ქულა სამართლიანად დავიმსახურეთ. ჩვენ კარგად ვმოქმედებდით, საჯარიმოს ფლანგებიდან შევქმენით სივრცეები, კარგი გარბენები გვქონდა და საბოლოოდ კარგად გამოვიყურებოდით.
სატრანსფერო გეგმები
ტრანსფერები? გულახდილად გეუბნებით მე ამ ეტაპზე არაფერი არ ვიცი. მე მესმის რომ ახლა საკადრო პრობლემები გვაქვს გუნდში, მაგრამ შევძლებთ 2-3 კვირაში ფეხბურთელების გამოჯამრთელებას და მათ მწყობრში მოყვანას. დაველოდებით ზაფხულს თუ დავიწყებთ ახლავე სატრანსფერო პოლიტიკის გაქტიურებას ამ ეტაპზე არაფრის თქმა არ შემიძლია. ერთადერთი რისი თქმაც შემიძლია არის ის, რომ ჩემი ბიჭები მოედანზე ბოლომდე იხარჯებიან და ყველაფერს აკეთებენ წარმატების მისაღწევად, მე ამას არ ვიძახი მხოლოდ დღევანდელი მატჩის გამო. მე კმაყოფილი ვარ მათი თამაშით, კმაყოფილი ვარ ასევე ორი დღის წინ "საუთჰემპტონთან" ჩატარებული შეხვედრითაც".- განაცხადა დასასრულს მოურინიომ.