როგორც ვიცით, გუშინდელი დაპირისპირება ოლდ ტრაფორდზე "წითელ ეშმაკებსა" და "წმინდანებს" შორის ნულოვანი ფრით დასრულდა. შედეგად "იუნაიტედმა" სატურნირო ცხრილის მეორე ადგილი "არისტოკრატებს" დაუთმო.
აღნიშნული შეხვედრის მე- 14 წუთზე, წითლების ბელგიელი თავდამსხმელი მოწინააღმდეგე ფეხბურთელთან უსიამოვნო შეჯახების შემდეგ, მოედანზე რამოდენიმე წუთი უძრავად იწვა. ის მედპერსონალმა საკაცის მეშვეობით მინდვრიდან გაიყვანა. რომელუ რეშფორდმა ჩაანაცვლა.
როგორც დღეს ირკვევა, ლუკაკუს ტრავმა არ აღმოჩნდა ისეთი სერიოზული როგორიც ეს შეიძლებოდა ყოფილიყო. წყაროს ცნობით მას ტვინის შერყევა აღენიშნება, შესაბამისად წითლების მთავარი მეგოლე გუნდს მინიმუმ ერთი კვირა ვერ დაეხმარება.
შეგახსენებთ რომელუ "იუნაიტედმა" წლეულს "ევერტონიდან" გადმოიფორმა. მიმდინარე სეზონში მის ანგარიშზე პრემიერ ლიგაში ჩატარებული შეხვედრებიდან 10 გოლი და 4 საგოლე გადაცემაა.