უსიამოვნო გამოდგა პრემიერ ლიგის 21 ტური, "იუნაიტედის" ბელგიელი თავდამსხმელის რომელუ ლუკაკუსთვის. რომელმაც შეხვედრის მე-14 წუთზე მოწინააღმდეგე ფეხბურთელთან შეჯახების შედეგად, თავის არეში დაზიანება მიიღო და მოედნიდან საკაცეთი გაიყვანეს.
წითლები "საუთჰემპტონს" დაუპირისპირდნენ და ზედიზედ მესამე ფრე ითამაშეს ჩემპიონატში. რის შედეგადაც დაკავებული მეორე ადგილიც დაკარგეს. ამჟამად ისინი ლონდონის "ჩელსის" ერთი ქულით ჩამორჩებიან.
როგორც The Telegraph- ის ჟურნალისტი სემ უოლასი იუწყება, წითელი ეშმაკების სამედიცინო პერსონალმა გადაწყვიტა, ფეხბურთელი ამ ეტაპზე ლაზარეთში არ გაგზავნოს და სიტუაციის დაკვირვება ოლდ ტრაფორდის სამედიცინო შტაბში მოახდინონ.
საგანგებო სიტუაციებისთვის განკუთვნილი მანქანა ადგილზე იმყოფება. საჭიროების შემთხვევაში, რომელუს ლაზარეთში გადაიყვანენ, თუმცა ამ ეტაპზე ამის აუცილებლობა არ არის.
აქამდე გავრცელდა ინფორმაცია სოციალურ ქსელებში, თითქოს რომელუს სიცოცხლეს საფრთხე ემუქრებოდა. აღნიშნული ინფორმაცია სიცრუეა და სიმართლეს არ შეესაბამება.