როგორც უკვე მოგეხსენებათ, მერსისაიდულ კლუბმა ზამთრის ხმაურიანი ტრანსფერი უკვე შეათანხმა. "ლივერპულმა" დაცვითი ხაზის გაძლიერება გადაწყვიტა და "საუთჰემპტონიდან" მცველისთვის სარეკორდო თანხად, 75 მილიონ ფუნტად ვირჯილ ვან დეიკი გაიფორმა. აღნიშნული თანხა ფეხბურთის ისტორიაში პირველია რაც კი აქამდე გადახდილა მცველის პოზიციის ფეხბურთელში.
ეს ტრანსფერი არ გამოპარვია "იუნაიტედის" პორტუგალიელ დამრიგებელს ჟოზე მოურინიოს, რომელიც ჟურნალისტებისთვის მიცემულ ინტერვიუში აღნიშნულ თემას შეეხო. გასულ წელს "ლივერპულის" მწვრთნელმა, იურგენ კლოპმა წითელი ეშმაკების შენაძენზე პოლ პოგბაზე ისაუბრა, რომელშიც წითლებმა 100 მილიონი გადაიხადეს. ხოლო ჟოზემ ხელსაყრელი შემთხვევა გამონახა გერმანელისთვის საპასუხო კომენტარი ერთი წლის შემდეგ გაეკეთებინა.
"ვფიქრობ, რომ ვინც ამის შესახებ პირველი კომენტარი უნდ გააკეთოს, ეს უნდა იყოს იურგენ კლოპი. თქვენ ადგილას რომ ვიყო, მე მას წარსულს გავახსენებდი. კონკრეტულად მის კომენტარს გასულ წელს, ჩვენ მიერ განხორციელებულ ტრანსფერზე".- უპასუხა განსაკუთრებულმა განსაკუთრებულად.
შეგახსენებთ, პოგბას "იუნაიტედში" ტრანსფერის შესახებ, იურგენ კლოპმა გასულ წელს მსგავსი კომენტარი გაკეთა: "ერთ ფეხბურთელში 100 მილიონს არასოდეს გადავიხდიდი". სწორედ ეს კომენტარი ქონდა ჟოზეს მხედველობაში კლოპის ხსენებისას.
წყარო: euro-football.ru
ინტერვიუები
6 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.