მადრიდის "რეალის" პორტუგალიელმა სუპერ ვარსკვლავმა კრიშტიანუ რონალდუმ წარსული გაიხსენა და იმ მიზეზებზე ისაუბრა თუ რის გამო უთხრა მან უარი 2003 წელს "იუვენტუსსა" და "რეალს" და რატომ აირჩია კარიერის გასაგრძელებლად "მანჩესტერ იუნაიტედი".
პორტუგალიელმა აღნიშნულ თემასთან დაკავშირებით ინტერვიუ "იუვენტუსის" ლეგენდას ალესანდრო დელ პიეროს მისცა: "როდესაც მე სპორტინგში ვთამაშობდი, ჩემით ბევრი დიდებული კლუბი იყო დაინტერესებული, მაგრამ მთავარი როლი ჩემი არჩევანის გაკეთებაში, ჩემმა აგენტმა ჟორჟე მენდეშმა ითამაშა."
"ის ყოველთვის სწორ რჩევებს მაძლევდა. მახსოსვს იმ პერიოდში ჩემი ყიდვით ტურინის "იუვენტუსი" იყო დაინტერესებული, მან ამის შესახებ მითხა. მე ძალაინ ბედნიერი ვიყავი, რადგან ჩემით ასეთი დიდებული გუნდი დაინტერესდა."
"ჟორჟმა, ასევე "რეალის" და "მანჩესტერ იუნაიტედის" ინტერესზე მამცნობა და მითხრა, რომ ისინი მზად იყვნენ ჩემს საყიდლად. მაგრამ რატომ დავუკავშირე იმ დროს ჩემი კარიერა "იუნაიტედს"? იმიტომ რომ მათ ყველაზე კარგი პირობები შემომთავაზეს და ვხვდებოდი რომ ინგლისური გრანდი იყო ადგილი სადაც მე განვითარების საშუალება მექნებოდა, გარდა ამისა ეს იყო ჩემი ერთ-ერთი ბავშობის ოცნება. მე მსურდა ოდესმე ინგლისის პრემიერ ლიგაში მეთამაშა."
"დღეს მე რასაც მივაღწიე და რასაც წარმოვადგენ, ეს "იუნაიტედის" და სერ ალექს ფერგიუსონის დიდი დამსახურებაა. მე მათ ყველაფერი მომცეს და ამას არასდროს დავივიწყებ."
"მანჩესტერ იუნაიტედმა" კრიშტიანუ რონალდუ, ლისაბონის "სპორტინგიდან" 18 მილიონის სანაცვლოდ შეიძინა. ინგლისში მან ექვსი წელი დაჰყო, 2009 წელს კი იმ დროისთვის რეკორდულ 94 მილიონი ევროს სანაცვლოდ, "რეალს" მიაშურა.